الماتى. 14 تامىز. تاۋسامالىنداعى سۋتاسيتىن اۆتوكولىكتىڭ اپاتىنان ەكىنشى ايەل قازا تاپتى. بۇل تۋرالى zakon.kz حابارلادى.
اپات ورنىندا جۇرگەن الماتى قالالىق ىشكى ىستەر دەپارتامەنتىنىڭ قىزمەتكەرلەرى ناقتى مالىمەتتى بۇگىن تاراتۋى ءتيىس. ءدال قازىرگە بەلگىلى بولعانى – جول جيەگىندە كەلە جاتقان ايەل قولىنداعى بەسىك اربانى يتەرىپ ۇلگەرگەن. سەگىز ايلىق ءسابي امان. ال ءسابيدىڭ اناسى اۋرۋحانا ەسىگىنە جەتىپ, كوز جۇمدى.
تاعى ءبىر تىڭ دەرەك, ايەل كولىك سوعىپ قۇلاتقان باعاننىڭ ەلەكتر توگىنا تۇسكەن دەيدى.
ەسكە سالا كەتەيىك, كەشە – تاۋسامالى شاعىن اۋدانىنداعى تاۋ جولىنان تومەن ءتۇسىپ كەلە جاتقان سۋ تاسىعىش اۆتوكولىك توقتاي الماي, قارسى بەتتەگى BMW جەڭىل كولىگىنە سوقتىعىسادى. ول دا تەجەۋ بولماعان اۋىر اۆتوكولىك جول جيەگىندەگى باعانعا ۇرىنىپ اۋدارىلادى. وسى تۇستا جاياۋ جۇرگىنشى جولىمەن كەتىپ بارا جاتقان ءبىر تۇرعىن كولىكتىڭ استىندا قالىپ, قازا تاپتى. ەكى جۇرگىنشى اۋىر حالدە اۋرۋحاناعا جەتكىزىلگەن.
تالعات ءسۇيىنباي.
دەرەك, سۋرەت: zakon.kz.