1 ناۋرىز – ايتۆ-مەن اۋىراتىنداردى كەمسىتپەۋگە باعىتتالعان «ديسكريميناتسياعا نول» كۇنى. يۋنەيدس باستاماسىمەن قولعا الىنعان بۇل كۇن الەمدە 12 رەت اتالىپ ءوتىپ جاتىر. بيىلعى جىلدىڭ ۇرانى – «ەڭ الدىمەن ادامدار», دەپ حابارلايدى Egemen.kz.
ايتۆ-مەن اۋىراتىنداردىڭ قۇقىعى كونستيتۋتسيامەن, سونداي-اق «حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكسپەن قورعالعان. ايتۆ-مەن كۇرەس شاراسىندا «بەلگىلەنبەيتىن – بەرىلمەيدى» (ن=ن) ۇستانىمى قولدانىلادى. وعان سايكەس, ايتۆ-مەن ءومىر سۇرەتىن, انتيرەتروۆيرۋستىق تەراپيانى قابىلدايتىن جانە ۆيرۋستىق جۇكتەمەسى تومەن ادام ۆيرۋستى جىنىستىق سەرىكتەسىنە جۇقتىرا المايدى. تۇجىرىمداما الەمدىك عىلىمي زەرتتەۋلەر ارقىلى تولىعىمەن دالەلدەنگەن.
اتىراۋدا ەكى ەر ادام ايتۆ ينفەكتسياسىن قاساقانا جۇقتىردى دەگەن كۇدىككە ءىلىندى
يۋنەيدس قازاقستاندا «95-95-95» ستراتەگياسىن iسكە اسىرۋ ۇستىندە. ول ايتۆ ينفەكتسياسىنىڭ الدىن الۋعا, تەستiلەۋ مەن ەمدەۋدi جانە كۇتiمدi قامتاماسىز ەتۋگە باعىتتالعان. بۇگىندە ايتۆ-سى بار ادامداردىڭ 86%-ى ءوز مارتەبەسىن بىلەدى. 92%-ى انتيرەتروۆيرۋستىق تەراپيا (ارت) قابىلدايدى. ەم الۋشىلاردىڭ 94%-ىندا ۆيرۋستىق جۇكتەمە تومەندەگەن.
جاڭا الگوريتم ايتۆ-نى بىرنەشە سەكۋندتا انىقتايدى
شىمكەنت قالاسىندا الدىن الۋدىڭ يننوۆاتسيالىق ءتۇرى – بايلانىسقا دەيىنگى ءادىس ەنگىزىلگەن. بۇگىندە 1 مىڭنان استام ادام وسى ءادىستى قولدانادى. جىل سايىن حالىقتىڭ ءبىراز بولىگى ايتۆ-عا تەستتەن وتەدى. ونىڭ اياسىن كەڭەيتۋ ماقساتىندا ەكسپرەسس-تەستىلەۋ قوعامدىق ۇيىمداردا وتكىزىلە باستادى.
قازاقستاندا 2026 جىلدان باستاپ ايتۆ-عا قارسى يننوۆاتسيالىق پرەپارات قولدانىلادى
ايتا كەتەيىك, ايتۆ-سى بار ايەلدەردiڭ 98%-ى دەنi ساۋ بالا تۋادى. سونداي-اق ناۋقاستارعا دياگنوز قويىلعاننان كەيىن انتيرەتروۆيرۋستى پرەپاراتتار بىردەن تاعايىندالادى. دارىلەردىڭ بارلىعى دا قولجەتىمدى جانە تەگىن.