ينتەللەكتىگە سالىنعان ينۆەستيتسيالار ارتىپ كەلەدى, ال عالىمداردىڭ ازىرلەمەلەرى ەكونوميكانىڭ ناقتى سەكتورىندا قولدانىس تاۋىپ جاتىر. عىلىم جانە جوعارى ءبىلىم مينيسترلىگى سوڭعى جىلدارى جۇزەگە اسىرىلعان اۋقىمدى عىلىمي-زەرتتەۋ جوبالارىنىڭ قورىتىندىلارىن شىعاردى, دەپ حابارلايدى Egemen.kz.
قازاقستاندا 2023-2029 جىلدارعا ارنالعان جوعارى ءبىلىم مەن عىلىمدى دامىتۋ تۇجىرىمداماسىن ىسكە اسىرۋدىڭ بەلسەندى كەزەڭى جالعاسادى. ستراتەگيانىڭ باستى ماقساتى – عىلىمدى تەك تەوريالىق سالا رەتىندە ەمەس, ۇلتتىق مىندەتتەردى شەشۋدىڭ قۋاتتى قۇرالىنا اينالدىرۋ. بۇل باعىتتاعى نەگىزگى فاكتورلاردىڭ ءبىرى – قارجىلاندىرۋ كولەمىنىڭ ايتارلىقتاي ءوسۋى. سوڭعى بەس جىلدا وسى سالاعا سالىنعان ينۆەستيتسيالار كولەمى بەس ەسەگە ارتتى.
يدەيادان كوممەرتسياعا دەيىن: مەملەكەتتىك ساياساتتىڭ جاڭا باعىتى
عىلىم جانە تەحنولوگيالار جونىندەگى ۇلتتىق كەڭەستىڭ وتىرىسىندا مەملەكەت باسشىسى بۇگىندە ەلدە «ۋنيۆەرسيتەت – زەرتتەۋ – يننوۆاتسيا – كوممەرتسيا» قاعيداتىنا نەگىزدەلگەن ناقتى جۇيە قالىپتاسىپ كەلە جاتقانىن اتاپ ءوتتى.
«زەرتتەۋ ۋنيۆەرسيتەتتەرىنىڭ سانى ارتىپ كەلەدى, ولاردىڭ ءوندىرىس ورىندارىمەن بايلانىسى نىعايۋدا. قازىرگى ۋاقىتتا شامامەن 300 كوممەرتسيالىق جوبا ىسكە قوسىلدى», – دەدى پرەزيدەنت. سونىمەن قاتار ول جاس عالىمدارعا قولايلى جاعداي جاساۋ مەملەكەتتىك ساياساتتىڭ باسىم باعىتى بولىپ قالا بەرەتىنىن اتاپ ءوتتى.
گرانتتىق قارجىلاندىرۋ: مىڭداعان يدەيا جانە جۇزدەگەن ەنگىزىلىم
عىلىم جانە جوعارى ءبىلىم مينيسترلىگى 2022-2024 جانە 2023-2025 جىلدارى جۇزەگە اسىرىلعان جوبالاردىڭ ناتيجەلەرىن تالدادى. ستاتيستيكا قازاقستاندىق عىلىمنىڭ بارعان سايىن قولدانبالى سيپات الىپ, باسەكەگە قابىلەتتى بولا تۇسكەنىن كورسەتەدى.
كاسپي تەڭىزىنىڭ قازاق عىلىمي-زەرتتەۋ ينستيتۋتى قۇرىلدى
گرانتتىق قارجىلاندىرۋ كونكۋرستارىنا بارلىعى 7 659 وتىنىم بەرىلىپ, ولاردىڭ ىشىندە 2 121 جوبا (27,7%) ۇلتتىق عىلىمي كەڭەستەردىڭ ىرىكتەۋىنەن ءوتتى.
2022-2024 جىلدارداعى گرانتتىق جوبالاردىڭ ناتيجەلەرى (10 باعىت):
5 879 عىلىمي جۇمىس جاريالاندى (ونىڭ ىشىندە 2 644-ءى – بەدەلدى شەتەلدىك باسىلىمداردا); 267 قورعاۋ قۇجاتى الىندى; 406 ازىرلەمە پراكتيكاعا ەنگىزىلدى.2023-2025 جىلدارداعى گرانتتىق جوبالاردىڭ ناتيجەلەرى (10 باعىت):
3 573 عىلىمي جۇمىس (ونىڭ ىشىندە 1 787-ءسى – شەتەلدىك باسىلىمداردا); 211 پاتەنت پەن اۆتورلىق كۋالىك; 347 پراكتيكالىق ەنگىزىلىم.باعدارلامالىق-نىسانالى قارجىلاندىرۋ: ستراتەگيالىق مىندەتتەردى شەشۋ
قارجىلاندىرۋدىڭ بۇل ءتۇرى ەكونوميكا مەن الەۋمەتتىك سالانىڭ ناقتى ماسەلەلەرىن شەشۋگە باعىتتالعان. بارلىعى 538 وتىنىمنىڭ ىشىنەن 174 باعدارلاما (32,3%) ماقۇلداندى.
2022-2024 جىلدارداعى باعدارلامالاردىڭ ناتيجەلەرى (9 باعىت):
1 300 جاريالانىم (ونىڭ ىشىندە 466-سى – حالىقارالىق جۋرنالداردا); 79 قورعاۋ قۇجاتى; 67 ەنگىزىلىم.2023-2025 جىلدارداعى باعدارلامالاردىڭ ناتيجەلەرى (11 باعىت):
1 873 عىلىمي جۇمىس (ونىڭ ىشىندە 777-ءسى – شەتەلدىك باسىلىمداردا); 217 پاتەنت; 67 ازىرلەمە ەكونوميكانىڭ ناقتى سەكتورىنا ەنگىزىلدى.بولاشاققا دەگەن بەرىك نەگىز
عىلىمي جاريالانىمداردىڭ جوعارى دەڭگەيى مەن الىنعان جۇزدەگەن پاتەنت قازاقستاندىق ازىرلەمەلەردىڭ تەك ەل ىشىندە عانا ەمەس, حالىقارالىق دەڭگەيدە دە سۇرانىسقا يە ەكەنىن كورسەتەدى. سوڭعى جىلدارداعى باستى ناتيجە – عىلىمي زەرتحانالار مەن ءوندىرىس ورىندارىنىڭ اراسىنداعى تۇراقتى بايلانىستىڭ قالىپتاسۋى.
عىلىمدى قولداۋ – ەل بولاشاعىنا سالىنعان ينۆەستيتسيا
عىلىم جانە جوعارى ءبىلىم مينيسترلىگى الداعى ۋاقىتتا دا عىلىمي ينفراقۇرىلىمدى دامىتۋعا, جاس زەرتتەۋشىلەردى قولداۋعا جانە تەحنولوگيالاردى كوممەرتسيالاندىرۋدى ىنتالاندىرۋعا باسىمدىق بەرەدى. بۇل عىلىمدى ەلدىڭ يننوۆاتسيالىق دامۋىنىڭ نەگىزگى قوزعاۋشى كۇشىنە اينالدىرۋعا باعىتتالعان.