تۇركيانىڭ انتاليا قالاسىندا كۇرەس تۇرلەرىنەن جاسوسپىرىمدەر (U17) مەن جاستار (U20) اراسىندا وتكەن «Victory Cup» تۋرنيرىندە قازاقستاننىڭ بالۋاندارى 8 التىن, 9 كۇمىس جانە 16 قولا مەدال يەلەندى. بارلىعى – 33 جۇلدە, دەپ جازادى Egemen.kz.
جاسوسپىرىمدەردىڭ سايىسىندا گرەك-ريم كۇرەسىنەن جاڭاجول قۋانىشبەك (51 كگ), اسقار ءنۇرالى (60 كگ), مارلەن تولەش (65 كگ), ەركىن كۇرەستەن باقداۋلەت اعابەك (48 كگ), تەمىرلان مۇرات (55 كگ), ادىلەت رىسباي (71 كگ), ايەلدەر كۇرەسىنەن ءىنجۋ باققوجا (46 كگ), باعجان قۇرمانباي (73 كگ) قارسىلاس شاق كەلتىرمەدى. كوماندالىق ەسەپتە جەرلەستەرىمىز ءبىرىنشى ورىندى ولجالادى. جاستاردىڭ جارىسىندا امىرمۇحاممەد قابۋلوۆ (55 كگ, گرەك-ريم), اسحاب حادجيەۆ (86 كگ, ەركىن), اننا ستراتتان (57 كگ), ۇلدانا تىلەۋحان (68 كگ, ايەلدەر) جەڭىس تۇعىرىنىڭ ەڭ بيىك ساتىسىنا كوتەرىلدى.
گرەك-ريم كۇرەسىنەن بىشكەكتە ءتورت جۇلدە الدىق