2023-2025 جىلدارى قازاقستاندا «كەلەشەك مەكتەپتەرى» ۇلتتىق جوباسى اياسىندا 460 مىڭنان استام وقۋشى ورنىنا ارنالعان جاڭا فورماتتاعى 217 مەكتەپ سالىندى, دەپ حابارلايدى Egemen.kz.
جاڭا مەكتەپتەر وقۋ ورىندارىنداعى ورىن تاپشىلىعى ماسەلەسىن شەشۋگە, قولدانىستاعى مەكتەپتەرگە تۇسەتىن جۇكتەمەنى ازايتۋعا جانە جۇزدەگەن مىڭ بالاعا قولايلى ءبىلىم الۋ جاعدايىن قامتاماسىز ەتۋگە مۇمكىندىك بەرەدى.
جوبانىڭ ىسكە قوسىلعانى تۋرالى قازاقستان رەسپۋبليكاسىنىڭ پرەزيدەنتى كاسىم-جومارت توكاەۆ العاش رەت 2022 جىلى «ادىلەتتى مەملەكەت. ءبىرتۇتاس ۇلت. بەرەكەلى قوعام» اتتى جولداۋىندا مالىمدەگەن بولاتىن. سول كەزدە مەملەكەت باسشىسى ورتا ءبىلىم ساپاسى تابىستى ۇلت قالىپتاستىرۋدىڭ ماڭىزدى فاكتورى ەكەنىن اتاپ ءوتتى.
جوبانىڭ نەگىزگى مىندەتى – وقۋ ورىندارىنا سۇرانىس جوعارى قالالار مەن قارقىندى دامىپ جاتقان ەلدى مەكەندەردە جاڭا فورماتتاعى مەكتەپتەر سالۋ. بارلىق مەكتەپتەر زاماناۋي جابدىقتارمەن جانە نەگىزىنەن وتاندىق ءوندىرىستىڭ جيھازدارىمەن قامتاماسىز ەتىلگەن.
قالا مەن اۋىل مەكتەپتەرى اراسىنداعى الشاقتىقتى ازايتۋعا ەرەكشە كوڭىل ءبولىندى. جاڭا نىسانداردىڭ جارتىسىنا جۋىعى اۋىلدىق جەرلەردە ورنالاسقان. بۇل بالالاردىڭ تۇرعىلىقتى جەرىنە قاراماستان ساپالى بىلىمگە تەڭ قول جەتكىزۋىنە مۇمكىندىك بەرەدى.
جاڭا فورماتتاعى مەكتەپتەر زاماناۋي ساۋلەتىمەن جانە ءتيىمدى جوسپارلانعان ينفراقۇرىلىمىمەن ەرەكشەلەنەدى. ولاردىڭ جالپى اۋدانى تيپتىك مەكتەپ عيماراتتارىمەن سالىستىرعاندا 15-20 پايىزعا كەڭ, ال تەحنيكالىق جابدىقتالۋ دەڭگەيى ءتورت ەسە جوعارى. وڭىرلەردىڭ قاجەتتىلىگىنە قاراي جوبا اياسىندا 300-دەن 2500 ورىنعا دەيىنگى ءارتۇرلى سىيىمدىلىقتاعى مەكتەپتەر سالۋ قاراستىرىلعان. بۇل رەتتە اۋماقتاردىڭ كليماتتىق جانە ينفراقۇرىلىمدىق ەرەكشەلىكتەرى ەسكەرىلدى.
جوبانىڭ ماڭىزدى باعىتتارىنىڭ ءبىرى – ينكليۋزيۆتى ءبىلىم بەرۋدى دامىتۋ. ەرەكشە ءبىلىم بەرۋ قاجەتتىلىكتەرى بار بالالار ءۇشىن ارنايى كابينەتتەر مەن جەكە سانيتارلىق بولمەلەر قاراستىرىلعان. عيماراتتاردا ليفتىلەر, پاندۋستار جانە ناۆيگاتسيالىق كورسەتكىشتەر ورناتىلعان, سونداي-اق پسيحولوگ, لوگوپەد جانە دەفەكتولوگ كابينەتتەرى جۇمىس ىستەيدى. سونىمەن قاتار مەكتەپ قۇرىلىسى تاجىريبەسىندە العاش رەت ءار بلوكتا وقۋشىلار مەن پەداگوگتەرگە ارنالعان دەمالىس ايماقتارى قاراستىرىلدى.
قاۋىپسىزدىك ماسەلەسىنە دە ەرەكشە نازار اۋدارىلدى. مەكتەپتەر زاماناۋي بەينەباقىلاۋ جۇيەلەرىمەن جابدىقتالعان, ولاردىڭ بەينەسى جەدەل باسقارۋ ورتالىقتارىنا شىعارىلادى. سونىمەن قاتار دابىل تۇيمەلەرى, دىبىستىق حابارلاۋ جۇيەلەرى, ەسىكتەردى اۆتوماتتى تۇردە بۇعاتتاۋ جۇيەسى جانە ليتسەنزيالانعان كۇزەت قىزمەتى قاراستىرىلعان.
جاڭا فورماتتاعى مەكتەپتەردەگى تاربيە جۇمىسى «ادال ازامات» تۇلعانى قالىپتاستىرۋ باعدارلاماسىنىڭ قاعيداتتارىنا نەگىزدەلگەن. ءبىلىم بەرۋ ورتاسى قوعام دامۋىنا ۇلەس قوسۋعا دايىن, جاۋاپتى, ادال ءارى باستاماشىل ازامات تاربيەلەۋگە باعىتتالعان.
«كەلەشەك مەكتەپتەرى» رەكوردتارعا جول اشتى
وسىلايشا, «كەلەشەك مەكتەپتەرى» ۇلتتىق جوباسى سوڭعى جىلدارداعى ءبىلىم بەرۋ سالاسىنداعى ەڭ ءىرى ينفراقۇرىلىمدىق باستامالاردىڭ بىرىنە اينالدى. جاڭا مەكتەپتەر زاماناۋي ءبىلىم بەرۋ ورتاسىن قالىپتاستىرىپ, ەلدىڭ ادامي كاپيتالىن دامىتۋعا بەرىك نەگىز قالايدى.
ايتا كەتەيىك, بۇعان دەيىن اقتوبە قالاسىنىڭ جاڭاقونىس-2 تۇرعىن ءۇي الابىندا 600 وقۋشىعا لايىقتالعان جاڭا مەكتەپ پايدالانۋعا بەرىلگەنىن حابارلاعان ەدىك.