قاراعاندى. 14 تامىز. قاراعاندى وبلىسىنداعى تەمىرتاۋ قالاسىندا پاتەردىڭ توبەسى قۇلاپ, اپاتتى كىرەبەرىستىڭ تۇرعىندارى قاۋىپسىز جەرگە كوشىرىلدى. بۇل تۋرالى inform.kz حابارلادى.
شكولنايا كوشەسىندە ورنالاسقان ەكى قاباتتى ءۇيدىڭ سالىنعانىنا 70 جىل بولىپتى. عيماراتتىڭ ەكىنشى قاباتى مەن شاتىرى اراسىنداعى توزىعى جەتكەن جابىنى قۇلاپ تۇسكەن. ابىروي بولعاندا قازا تاپقاندار جوق.
ايتا كەتەيىك, ەكى كىرەبەرىستى ۇيدە 16 پاتەر بار. قازىرگى تاڭدا مۇنداعى وتباسىلاردىڭ تەڭ جارتىسى ۋاقىتشا تۋعان-تۋىستارىنىڭ ۇيىنە ورنالاستىرىلدى. ال ەكىنشى كىرەبەرىستىڭ تۇرعىندارى ءوز ۇيلەرىندە تۇرىپ جاتىر.
قالا باسشىلىعى ماسەلە قىسقا دەيىن شەشىمىن تابادى دەپ مالىمدەدى.
قايرات ءابىلدينوۆ.
دەرەك, سۋرەت: inform.kz.