ۇلتتىق ورتالىق مۋزەيدە جاڭارۋ مەن جاڭعىرۋ مەرەكەسىنە وراي «ارتۋم» بالالار ستۋدياسىنىڭ «بالالىق شاق پەن كوكتەم پاليتراسى» اتتى ايرىقشا كورمەسى اشىلدى, دەپ حابارلايدى Egemen.kz.
13 جىلدان بەرى جاس دارىنداردىڭ شىعارماشىلىق الەۋەتىن شىڭداپ, ونەرگە دەگەن سۇيىسپەنشىلىگىن قالىپتاستىرىپ كەلە جاتقان «ارتۋم» ستۋدياسى بۇگىنگە دەيىن قانشاما تالانتتاردى قاناتتاندىرعان.
كورمەدە ۇسىنىلعان 40 تۋىندىدا ۇلتتىق ناقىشتاعى ايەل بەينەسى, تابيعات كورىنىستەرى مەن بالالىق قيالدىڭ ءمولدىر الەمى توعىسقان. ءارتۇرلى تەحنيكادا ورىندالعان جۇمىستار جاس سۋرەتشىلەردىڭ ىشكى دۇنيەسىن, كوكتەمگى شابىتىن جانە ومىرگە دەگەن شىنايى كوزقاراسىن ايشىقتايدى.
كورمەنى ۇلتتىق ورتالىق مۋزەيدىڭ عالىم حاتشىسى ەرسىن مارالبەك ۇلى مەن قوعاممەن بايلانىس جانە كورمەلەردى ۇيىمداستىرۋ ءبولىمىنىڭ جەتەكشىسى اننا كۋششەنكو اشتى. ولار كورمە قاتىسۋشىلارىن كورمەنىڭ اشىلۋىمەن جانە كوكتەم مەرەكەسىمەن قۇتتىقتاپ, جاس سۋرەتشىلەردىڭ شىعارماشىلىعىنا جوعارى باعا بەردى. سونىمەن قاتار, بالالاردىڭ ونەر ارقىلى ءوز ويى مەن سەزىمىن جەتكىزە ءبىلۋى − ولاردىڭ رۋحاني دامۋى مەن مادەني تاربيەسىنىڭ ماڭىزدى كورسەتكىشى ەكەنىن اتاپ ءوتتى.
الماتىدا داڭقتى كينوگەرلەرگە ارنالعان كورمە اشىلدى
سونداي-اق, كورمەنىڭ ۇيىمداستىرۋشىسى, ستۋديانىڭ كوركەمدىك جەتەكشىسى − «تۇمار-ارت» پەداگوگ-سۋرەتشىلەر وداعىنىڭ مۇشەسى انارا نۋرانوۆا ستۋديانىڭ 13 جىلدىق جەتىستىگى تۋرالى ايتىپ, وسى ۋاقىت ارالىعىندا كوپتەگەن جاس دارىنداردىڭ شىعارماشىلىق قابىلەتىن دامىتۋعا ۇلەس قوسقانىن اتاپ ءوتتى.
«Boran – بۋران»: جادى مەن كەڭىستىكتى توعىستىرعان كورمە
سونىمەن قاتار, جاس سۋرەتشىلەردىڭ ەڭبەگىن قولداپ كەلگەن اتا-انالار مەن ۇستازدارعا العىس ءبىلدىرىپ, بالالاردىڭ ونەرگە دەگەن قىزىعۋشىلىعى مەن تالپىنىسى بولاشاقتا ۇلكەن جەتىستىكتەرگە جەتەلەيدى دەگەن سەنىمىن جەتكىزدى.
قوستانايدا اۋىلشارۋاشىلىق تەحنيكالارىنىڭ كورمەسى ءوتتى