قاراعاندى وبلىسىندا اقتۇتەك بوران باستالدى. سالدارىنان رەسپۋبليكالىق جانە وبلىستىق ماڭىزى بار بىرنەشە اۆتوجولدا بارلىق كولىكتەردىڭ قوزعالىسىنا ۋاقىتشا شەكتەۋ ەنگىزىلدى, دەپ حابارلايدى Egemen.kz.
اۋا رايىنىڭ قولايسىزدىعىنا بايلانىستى پوليتسيا قىزمەتكەرلەرى كۇشەيتىلگەن رەجيمگە كوشتى. پاترۋلدىك پوليتسيا باتالونى تاۋلىك بويى جۇمىس ىستەپ, جول قاۋىپسىزدىگىن قامتاماسىز ەتىپ, كولىكتە قالىپ قويعان جۇرگىزۋشىلەرگە كومەك كورسەتىپ جاتىر.
قوستاناي وبلىسىندا ون ءۇش ادام قار قۇرساۋىنان قۇتقارىلدى
قازىر ءتارتىپ ساقشىلارى نەگىزگى باعىتتارداعى جولداردى تەكسەرىپ, قاۋىپتى ۋچاسكەلەردە كەزەكشىلىك ەتۋدە. جولدا قار قۇرساۋىندا قالعان كولىكتەر دە انىقتالعان.
«قازىرگى تاڭدا بارلىق باعىتتاعى جولدار تەكسەرىلىپ جاتىر. كەيبىر جەرلەردە كورىنۋ مۇلدە ناشارلاعان. سونداي-اق, جول بويىندا قار قۇرساۋىندا قالعان كولىكتەر كەزدەسەدى. سوندىقتان بارلىق ازاماتقا اۋا رايى تۇراقتالعانشا الىس جولعا شىقپاۋعا كەڭەس بەرەمىز», دەدى پاترۋلدىك پوليتسيا باتالونىنىڭ كومانديرى مەدەت نۇرمۇحانوۆ.
پوليتسيا تۇرعىنداردى قاۋىپسىزدىك شارالارىن قاتاڭ ساقتاۋعا شاقىرادى. اۋا رايى كۇرت ناشارلاعان جاعدايدا ۇزاق ساپارلاردى كەيىنگە قالدىرىپ, جولعا شىقپاس بۇرىن اۆتوجولداردىڭ اشىق نەمەسە جابىق ەكەنىن رەسمي اقپارات كوزدەرىنەن تەكسەرۋ قاجەت.
قاراعاندى وبلىسىندا 800-دەن استام كولىك قار قۇرساۋىندا قالىپ قويدى