يزرايل قورعانىس كۇشتەرى تەگەراندا ورنالاسقان يراننىڭ رەۆوليۋتسيالىق گۆاردياسىنا قاراستى اۋە كۇشتەرىنىڭ شتاب-پاتەرىنە سوققى جاسالعانىن حابارلادى. بۇل تۋرالى رەسمي مالىمەت يزرايل اسكەرىنىڭ Telegram ارناسىندا جاريالاندى, دەپ جازادى Egemen.kz.
اسكەريلەردىڭ دەرەگىنشە, بارلاۋ مالىمەتتەرىنىڭ قولداۋىمەن جۇزەگە اسقان اۋقىمدى وپەراتسيا بارىسىندا ونداعان نىسانعا سوققى بەرىلگەن. سول نىسانداردىڭ قاتارىندا يراننىڭ اۋە كۇشتەرىنىڭ باسقارۋ شتابى دا بار.
يراندا جۇمىس ىستەيتىن تاعى 7 وتانداسىمىز ەلگە جەتكىزىلەدى
حابارلامادا بۇل عيمارات رەجيمنىڭ اۋە كۇشتەرىن باسقارۋ جانە ۇيلەستىرۋ ورتالىعى رەتىندە پايدالانىلعانى ايتىلعان. شتابتا بالليستيكالىق زىمىراندارعا جاۋاپتى قۇرىلىمدار, ۇشقىشسىز ۇشۋ اپپاراتتارىن باسقاراتىن بولىمشەلەر جانە اۋە كۇشتەرىنىڭ وزگە دە بولىمدەرى ورنالاسقان.
«بۇل نىسان رەجيمنىڭ اۋە كۇشتەرىنىڭ ارەكەتتەرىن ۇيلەستىرۋگە ارنالعان نەگىزگى باسقارۋ ورتالىعى بولدى. شتابتا بالليستيكالىق زىمىرانداردى باسقارۋ قۇرىلىمدارى, ۇشقىشسىز ۇشۋ اپپاراتتارى بولىمشەلەرى جانە اۋە كۇشتەرىنىڭ باسقا دا بولىمدەرى ورنالاسقان», دەلىنگەن حابارلامادا.
يزرايل تاراپىنىڭ تۇسىندىرۋىنشە, بۇل شتاب وڭىردەگى ەلدەرگە, سونىڭ ىشىندە يزرايلگە باعىتتالعان زىمىراندىق سوققىلاردى جوسپارلاۋ مەن وپەراتسيالىق جاعدايدى قالىپتاستىرۋعا جاۋاپ بەرگەن.
مەملەكەت باسشىسى يراننىڭ كورشى ەلدەرگە سوققى جاساۋدى توقتاتۋ تۋرالى شەشىمىن قۇپتادى
اسكەريلەردىڭ مالىمەتىنشە, تەگەراندا ورنالاسقان بۇل نىسانعا جاسالعان سوققى يراننىڭ بالليستيكالىق زىمىران ينفراقۇرىلىمىن السىرەتۋگە باعىتتالعان كەڭ اۋقىمدى وپەراتسيانىڭ ءبىر بولىگى سانالادى. ونىڭ ماقساتى – يراننىڭ يزرايلگە قارسى شابۋىلداردى ۇيلەستىرۋ مۇمكىندىگىن تومەندەتۋ.
يزرايل اسكەرى يران بيلىگىنە تيەسىلى نىساندارعا سوققى بەرۋ جالعاساتىنىن مالىمدەدى. «يران رەجيمىنىڭ مۇمكىندىگىن السىرەتۋ ماقساتىندا ونىڭ نىساندارىنا سوققى بەرۋدى جالعاستىرامىز», دەلىنگەن حابارلامادا.
كەشە يراننىڭ يادرولىق نىسانىنا سوققى جاسالعان ەدى.