الماتى. 26 ماۋسىم. بىشكەكتىڭ قاق ورتاسىندا بولعان اتىستا ادام ءولىمى بولعان جوق. كوپ كەشىكپەي, جەرگىلىكتى ءتارتىپ ساقشىلارى قازاقستاندىق ەكى ازاماتتى قولعا ءتۇسىردى. بۇل تۋرالى قىر تاگ حابارلادى.
24 جاسار البەرت ساتىبالدى ۇلى مەن 27 جاسار جانبولات ءامىروۆ وتكەن جىلى بىشكەك قالاسىنىڭ پەرۆوماي اۋداندىق سوتىنىڭ ۇكىمىمەن جاساعان قىلمىستىق اركەتتەرىنە وراي 4 جىلعا باس بوستاندىعىنان ايىرىلعان. تۇرمەدەن قاشىپ شىققان قىلمىسكەرلەردىڭ يسانوۆ پەن كيەۆ كوشەسىنىڭ قيىلىسىنداعى تۇرعىن ۇيدە بوي تاسالاعانى ءمالىم بولىپ, جەدەل توپ سوندا جەتكەن. سول جەردە اتىس باستالادى. وزدەرى لاقتىرعان گراناتا جارىلماعان ءساتتى پايدالانعان قىلمىسكەرلەر پوليتسيا تۇزاعىنان قۇتىلىپ كەتەدى. الايدا, قىرعىزدىڭ كۇشتىك قۇرىلىمى ءتۇن اۋا قىلمىسكەرلەردى ۇستادى.
تالعات ءسۇيىنباي.
دەرەك, سۋرەت: قىر تاگ.