استانا قالاسىندا شىعۋ تەگى بەلگىسىز جانە ساپاسى كۇماندى ەت ونىمدەرىن زاڭسىز ساتۋدىڭ الدىن الۋ جۇمىستارى جالعاسىپ جاتىر. قالا اۋماعىندا «مال ۇرلىعى» جەدەل-پروفيلاكتيكالىق ءىس-شاراسى اياسىندا پوليتسيا قىزمەتكەرلەرى ساۋدا ورىندارىنا جەتكىزىلەتىن ەت ونىمدەرىنىڭ زاڭدى شىققان جەرىن انىقتاۋ جانە ولاردىڭ ۆەتەريناريالىق-سانيتاريالىق تالاپتارعا سايكەستىگىن تەكسەرۋ ماقساتىندا رەيدتەر جۇرگىزۋدە, دەپ حابارلايدى Egemen.kz.
ءىس-شارانىڭ نەگىزگى ماقساتى – تۇرعىنداردىڭ دەنساۋلىعىن قورعاۋ جانە ەلوردانىڭ ازىق-ت ۇلىك قاۋىپسىزدىگىن قامتاماسىز ەتۋ.
تەكسەرۋ بارىسىندا انتيسانيتاريالىق جاعدايدا مال سويىلىپ, ۆەتەريناريالىق باقىلاۋسىز ءارى ءتيىستى قۇجاتتاماسىز ەت ونىمدەرىن ساتۋ ءۇشىن دايىندالعان بىرنەشە جاسىرىن تسەح انىقتالدى.
جالپى العاندا, زاڭسىز اينالىمنان شامامەن 3 مىڭ توننا ەت ءونىمى تاركىلەنىپ, كەيىن ولار بەلگىلەنگەن تارتىپپەن «استانا-ۆەتسەرۆيس» شجق مكك ماماندارىمەن بىرلەسىپ جويىلعان.
توقاەۆ: قازاقستان ازيا ءۇشىن ەت ونىمدەرىنىڭ ءىرى ەكسپورتتاۋشىسى بولا الادى
سونداي-اق جەكە تۇرعىن ۇيلەردىڭ ءبىرىنىڭ اۋلاسىنداعى قوسالقى قۇرىلىستاردا زاڭسىز جۇمىس ىستەگەن جاسىرىن انىقتالدى. وندا رۇقسات قۇجاتتارىنسىز جانە ۆەتەريناريالىق باقىلاۋدان وتپەگەن ەت ونىمدەرىن وڭدەۋ, ساقتاۋ جانە وتكىزۋ جۇمىستارى جۇرگىزىلگەن.
تەكسەرۋ كەزىندە ەت وڭدەۋگە ارنالعان جابدىقتارمەن قاتار ۆەتەريناريالىق انىقتاماسىز ءىرى جانە ۇساق مالدىڭ 60 باسى, تۇتاس ەت, تۇياقتار جانە باسقا دا بولىكتەر تابىلدى.
قازىرگى ۋاقىتتا اتالعان دەرەكتەر بويىنشا تەكسەرۋ جۇرگىزىلىپ, ىسكە قاتىسى بار تۇلعالاردى انىقتاۋ جۇمىستارى جالعاسىپ جاتىر. ولار زاڭ تالاپتارىنا سايكەس جاۋاپكەرشىلىككە تارتىلماق.
پاۆلودار وبلىسىندا مال ۇرلىعىمەن اينالىسقان قىلمىستىق توپ ۇستالدى
پوليتسيا تۇرعىندارعا ەت ونىمدەرىن ساتىپ الۋ كەزىندە ونىڭ زاڭدى شىققانىن راستايتىن ۆەتەريناريالىق انىقتامالارعا, ىلەسپە قۇجاتتارعا جانە تاڭبالانۋىنا مۇقيات قاراۋدى ەسكەرتەدى. رۇقساتسىز ساتىلعان ونىمدەر زاڭناماعا سايكەس جاۋاپكەرشىلىككە اكەلەتىنىن اتاپ ءوتتى.