15 ناۋرىزدا ەلىمىزدە جاڭا اتا زاڭ جوباسىن قابىلداۋ بويىنشا رەسپۋبليكالىق رەفەرەندۋم وتەدى. وسىعان وراي بىرقاتار ونەر مايتالماندارى ءوز پىكىرلەرىن ءبىلدىرىپ, بۇل ساياسي ناۋقاننىڭ ەل ءومىرى ءۇشىن ماڭىزىن اتاپ ءوتتى, دەپ حابارلايدى Egemen.kz.
«قازاقفيلم» كينوستۋدياسىنىڭ قىزمەتكەرى, ستسەناريست بەكبولات شەكەروۆ ءوز سوزىندە كونستيتۋتسيا – مەملەكەت تۇراقتىلىعىنىڭ, قۇقىقتىق ءتارتىپ پەن ازاماتتىق جاۋاپكەرشىلىكتىڭ بەرىك نەگىزى ەكەنىن ايتتى. نەگىزگى زاڭنىڭ دامۋى مەن جەتىلدىرىلۋى ەلدىڭ بولاشاعىنا تىكەلەي اسەر ەتەتىن ماڭىزدى ۇدەرىس ەكەنىنە توقتالدى.
«اتا زاڭعا دەگەن قۇرمەت – ورتاق قۇندىلىقتارعا دەگەن قۇرمەت. بارشاڭىزدى الداعى رەسپۋبليكالىق رەفەرەندۋمدا داۋىس بەرۋگە شاقىرامىن», دەدى ب. شەكەروۆ.
سونداي-اق قازاقستاننىڭ ەڭبەك سىڭىرگەن قايراتكەرى سانجان سابىرعاليەۆا الەمدىك تاجىريبەدە ەلدىڭ جارقىن بولاشاعىن قالىپتاستىرۋ ءۇشىن ماڭىزدى شەشىمدەردى قابىلداۋ قالىپتى قۇبىلىس ەكەنىن اتاپ ءوتتى.
ء«بىز دە سونداي ماڭىزدى شەشىم قابىلداۋ قارساڭىندا تۇرمىز. 15 ناۋرىزدا اتا زاڭنىڭ جاڭا جوباسىنا داۋىس بەرۋ بويىنشا رەفەرەندۋم وتەدى. بۇل ءاربىر ازامات ءۇشىن ەلىمىزدىڭ ەرتەڭىنە بەيجاي قاراماي, ءوز تاڭداۋىن جاساۋعا بەرىلگەن زور مارتەبە», دەدى س. سابىرعاليەۆا.
رەفەرەندۋم كەزىندە شالعايدا جۇرگەن ازاماتتار قالاي داۋىس بەرەدى؟
بالەت ءارتىسى انار رىسقۇلوۆا رەفەرەندۋمدا داۋىس بەرۋ – قازاقستان تاريحىنداعى جاڭا كەزەڭنىڭ ورتاق اۆتورى بولۋعا مۇمكىندىك ەكەنىن جەتكىزدى.
«كونستيتۋتسيا – ءبىزدىڭ ورتاق ءۇيىمىزدىڭ ىرگەتاسى. ەرتەڭگى رەفەرەندۋمدا ءاربىر ادامنىڭ داۋىسى ماڭىزدى. 15 ناۋرىزدا كەزدەسەمىز», دەپ ويىن تۇيىندەدى ا.رىسقۇلوۆا.
سونىمەن بىگە «قۇرمەت» وردەنىنىڭ يەسى, ديريجەر ابىلاي تىلەپبەرگەن دە ايتۋلى ناۋقاننان قالىس قالماي, بۇل رەفەرەندۋم ءوز ومىرىندەگى ايرىقشا وقيعا بولىپ وتىرعانىن ايتتى.
«مەن, بىرىنشىدەن, قازاقستان رەسپۋبليكاسىنىڭ ازاماتى رەتىندە, ەكىنشىدەن, ونەر ادامى رەتىندە بارشاڭىزدى رەفەرەندۋمعا قاتىسۋعا شاقىرامىن. ءوز داۋىسىمىزدى بەرىپ, ەلىمىزدىڭ جاقسى جاققا قاراي وزگەرۋىنە سەبەپشى بولايىق», دەدى ا. تىلەپبەرگەن.
رەفەرەندۋم-2026: داۋىس بەرۋ ۋچاسكەسىن جسن ارقىلى قالاي تابۋعا بولادى؟