مويىنقۇم اۋدانىندا ءورت ءسوندىرۋ ءبولىمى اشىلدى

جاڭارعان عيماراتتىڭ اشىلۋ سالتاناتىنا توتەنشە جاعدايلار ءمينيسترى شىڭعىس ءارىنوۆ, وبلىس اكىمىنىڭ ورىنباسارى التاي ءالى جانە وبلىستىق تجد باستىعى ارمان توقانوۆ قاتىستى.

ۆەدومستۆو باسشىسى ءورت ءسوندىرۋ بولىمشەلەرىن جاڭعىرتۋ جۇمىستارى قىزمەتكەرلەرگە زاماناۋي جاعداي جاساۋعا جانە حالىقتىڭ قاۋىپسىزدىك دەڭگەيىن ارتتىرۋعا باعىتتالعانىن اتاپ ءوتتى.

1987 جىلى سالىنعان بولىمشە عيماراتى شامامەن 40 جىل وتكەن سوڭ العاش رەت كۇردەلى جوندەۋدەن ءوتتى. عيمارات پەن قىزمەتتىك ءۇي-جايلار تولىق جاڭارتىلىپ, ينجەنەرلىك جەلىلەر مەن تىرشىلىكتى قامتاماسىز ەتۋ جۇيەلەرى زاماناۋي قاۋىپسىزدىك تالاپتارىنا سايكەستەندىرىلدى.

بولىمشەدە گاز-تۇتىننەن قورعاۋ قىزمەتىنىڭ بەكەتى, وقۋ سىنىبى, زاماناۋي تۇرمىستىق بولمەلەر, دەمالىس ايماعى جانە تەحنيكاعا ارنالعان بوكستار جابدىقتالعان. سونىمەن قاتار جەكە قۇرامنىڭ دەنە دايارلىعىن شىڭداۋعا ارنالعان زاماناۋي تالاپتارعا ساي Batyr team سپورت زالى قاراستىرىلعان.

اشىلۋ ءراسىمى اياسىندا وبلىستىق تجد قىزمەتكەرلەرىنە جاڭا ءورت ءسوندىرۋ-قۇتقارۋ تەحنيكاسىنىڭ كىلتتەرى تابىستالدى.

تارازدا جول بەلگىلەرىنىڭ دۇرىس ورناتىلماۋى سالدارىنان جۇرگىزۋشىلەرگە 345 ملن تەڭگە ايىپپۇل زاڭسىز سالىنعان

ايتا كەتەيىك, 2025 جىلى ءبولىم قىزمەتكەرلەرى 43 ءورت وقيعاسىنا جانە 80 جانۋ دەرەگىنە جەدەل ارەكەت ەتىپ, 10 ادامدى قۇتقاردى. قازىرگى تاڭدا بولىمدە 22 قىزمەتكەر ەڭبەك ەتىپ جاتىر. 

تارازدا اۋىل شارۋاشىلىعى جارمەڭكەسى ءوتتى