قاسىم-جومارت توقاەۆقا كونستيتۋتسيالىق رەفورمالاردى زاڭنامالىق تۇرعىدان قامتاماسىز ەتۋ بويىنشا پالاتانىڭ اتقارعان قىزمەتى تۋرالى مالىمەت بەرىلدى, دەپ حابارلايدى Egemen.kz.
ەرلان قوشانوۆ پارلامەنت جاڭا اتا زاڭنىڭ نورمالارىن ىسكە اسىرۋعا جول اشاتىن جەتى كونستيتۋتسيالىق زاڭدى ساپالى ءارى ۋاقتىلى قابىلداعانىن ايتتى.سونىڭ ىشىندە «پرەزيدەنت تۋرالى», «قۇرىلتاي جانە ونىڭ دەپۋتاتتارىنىڭ مارتەبەسى تۋرالى», «قازاقستان حالىق كەڭەسى تۋرالى», «قازاقستان رەسپۋبليكاسى استاناسىنىڭ مارتەبەسى تۋرالى», «الاتاۋ قالاسىنىڭ ارناۋلى قۇقىقتىق رەجيمى تۋرالى» جانە باسقا دا كونستيتۋتسيالىق زاڭدار بار.
اتالعان جۇمىس قوعام وكىلدەرىنىڭ جانە ساراپشىلاردىڭ قاتىسۋىمەن اشىق جۇرگىزىلدى.جالپى, ءماجىلىس سەسسياسى باستالعاننان بەرى 89 زاڭ قابىلدانىپ, سەناتقا جولدانعان. ولاردىڭ اراسىندا قۇرىلىس, تسيفرلىق كودەكستەر, جاساندى ينتەللەكت, بانك جانە بانك قىزمەتى, قۇقىقبۇزۋشىلىقتىڭ الدىن الۋ, قىلمىستىق جانە قىلمىستىق-پروتسەسسۋالدىق كودەكستەرگە وزگەرىستەر ەنگىزۋ, مەملەكەتتىك قىزمەت, مەملەكەتتىك ناگرادالار, عىلىم ماسەلەلەرى, پەداگوگ مارتەبەسىن كوتەرۋ, جەمقورلىققا قارسى ءىس-قيمىل, جەكە سوت ورىنداۋشىلار قىزمەتى جانە باسقا دا زاڭدار بار.قازىر دەپۋتاتتاردىڭ قاراۋىندا 80 زاڭ جوباسى جاتىر. ونىڭ قاتارىندا جاڭا كونستيتۋتسيا قابىلداۋعا بايلانىستى راقىمشىلىق جاريالاۋ, جول قوزعالىسىنداعى تسيفرلاندىرۋ مەن قاۋىپسىزدىك, جەرگىلىكتى ءوزىن-ءوزى باسقارۋ, تەلەكوممۋنيكاتسيا نارىعىن دامىتۋ, ماشينا جاساۋ سالاسىن دامىتۋ, تەحنيكالىق جانە كاسىپتىك ءبىلىم بەرۋ, نوتاريات جانە باسقا دا ماسەلەلەر تۋرالى زاڭ جوبالارىن ايتۋعا بولادى.ءماجىلىس سەسسيا سوڭىنا دەيىن جوعارى اۋديتورلىق پالاتا توراعاسىنىڭ عىلىمدى دامىتۋعا بولىنگەن قارجىنى ورىندى جۇمساۋ, بىلتىرعى رەسپۋبليكالىق بيۋدجەتتى يگەرۋگە قاتىستى ۇكىمەت پەن جوعارى اۋديتورلىق پالاتانىڭ ەسەبىن جانە دەپۋتاتتاردىڭ ايماقتارعا ساپارى كەزىندە سايلاۋشىلار تاراپىنان تۇسكەن وتىنىشتەردىڭ ناتيجەلەرى بويىنشا ۇكىمەتتىڭ اقپاراتىن تىڭداۋدى جوسپارلاپ وتىرعانىن مالىمدەدى.ءماجىلىس زاڭ شىعارۋ ىسىندە اشىقتىققا جانە ساراپشىلىق توپپەن ىنتىماقتاستىققا باسا نازار اۋدارادى.قوعامدىق پالاتا وتىرىستارى تۇراقتى تۇردە وتكىزىلىپ كەلەدى.پارلامەنتتىك ديپلوماتيا باعىتىنداعى جۇمىس قورىتىندىلارى, اتاپ ايتقاندا, تۇرىكپا, تمد پارلامەنتارالىق اسسامبلەياسى جانە باسقا پارلامەنتارالىق ۇيىمدارمەن ىقپالداستىق جايىندا باياندادى.