قىسقى وليمپيادالىق سپورت تۇرلەرىنەن ەل نامىسىن قورعايتىن وتاندىق سپورتشىلاردى مەملەكەتتىك قولداۋ اياسىندا 2025 جىلى مانەرلەپ سىرعاناۋشى, وليمپيادا چەمپيونى ميحايل شايدوروۆ پەن ونىڭ كومانداسىنىڭ دايىندىعىنا 263 394 581 تەڭگە جۇمسالعان, دەپ حابارلايدى Egemen.kz.
ونىڭ ىشىندە 19 وقۋ-جاتتىعۋ جيىنىنا (8-ءى قازاقستاندا, 11-ءى شەتەلدە) 47 ملن تەڭگە, ال 5 حالىقارالىق جارىسقا قاتىسۋعا 16 ملن تەڭگە بولىنگەن.
2025 جىلى سپورتشىنىڭ جالپى ەڭبەكاقىسى (قر تسم درس, فەدەراتسيا جانە اكىمدىك جەلىسى بويىنشا) 33 989 000 تەڭگەنى قۇرادى.
ميحايل شايدوروۆ – وليمپيادا چەمپيونى!
سپورتشىنىڭ جەكە باپكەرى الەكسەي ۋرمانوۆتىڭ 2025 جىلعى ەڭبەكاقىسى (قر تسم درس جانە فەدەراتسيا جەلىسى بويىنشا) 26 000 000 استام تەڭگە بولدى.
حورەوگراف ي.ۆ. رەگينانىڭ 2025 جىلعى ەڭبەكاقىسى (قر تسم جانە فەدەراتسيا جەلىسى بويىنشا) 23 000 000 تەڭگەنى قۇرادى.
قوسىمشا تۇردە جارىس باعدارلامالارىن قويۋ, ەكى كوستيۋم تىكتىرۋ جانە شىعارمالارعا اۆتورلىق قۇقىقتاردى ساتىپ الۋ شىعىندارى دا قارجىلاندىرىلدى. بۇعان دەيىن سپورتشى الەم چەمپيوناتى مەن ازيا ويىندارىنداعى جوعارى ناتيجەسى ءۇشىن 6 694 581 تەڭگە كولەمىندە بىرجولعى سىياقى السا, جاتتىقتىرۋشىلار شتابىنا قوسىمشا 1 506 040 تەڭگە تولەنگەن.
ميحايل شايدوروۆ تاريحي جەڭىسىنەن كەيىن الەمدىك رەيتينگتە ۇزدىك ۇشتىككە ەندى