مەدەليندە (كولۋمبيا) ارتىستىك جۇزۋدەن الەم كۋبوگىنىڭ كەزەڭى اياقتالدى. قازاقستان قۇراماسى بۇل جارىستا ەكى التىن, ءبىر كۇمىس, ءۇش قولا مەدال جەڭىپ الىپ, جالپىكوماندالىق ەسەپتە ەكىنشى ورىن الدى, دەپ حابارلايدى Egemen.kz.
ەرلەر اراسىندا ەدۋارد كيم ەركىن باعدارلامادا توپ جارىپ, التىننان القا تاقتى.
سونداي-اق ايەلدەر اراسىنداعى ەركىن باعدارلامادا دا قازاقستان قۇراماسى جەڭىس تۇعىرىنىڭ ەڭ بيىك ساتىسىنا كوتەرىلدى.
ال تەحنيكالىق باعدارلامادا قازاقستاندىق ۆيكتور درۋزين ءۇشىنشى ورىن الدى.
ودان بولەك ۇلتتىق قۇراما توپتىق اكروباتيكالىق باعدارلامادا كۇمىس جۇلدەگەر اتاندى.
ياسمينا يسلاموۆا مەن الديار رامازانوۆ تەحنيكالىق باعدارلامانىڭ جۇپتىق سىنىندا قولا مەدالعا يە بولسا, نارگيزا بولاتوۆا جانە ۆيكتور درۋزين ەركىن باعدارلامانىڭ جۇپتىق سايىسىندا ءۇشىنشى ورىنعا جايعاستى.
ايتا كەتەيىك, قازاقستان ارتىستىك جۇزۋدەن الەم كۋبوگى كەزەڭىندە ەكى التىن مەدال جەڭىپ العانىن حابارلاعان ەدىك.