شىمكەنتتە جاۋىن-شاشىن سالدارىنان بادام وزەنى ارناسىنان اسىپ, جانىنداعى ەلدى مەكەندەردى سۋ شايىپ كەتۋى مۇمكىن دەگەن قاۋىپ تۇرعىنداردىڭ ۇرەيىن تۋعىزدى. قالالىق جايلى ورتانى دامىتۋ باسقارماسىنىڭ باسشىسى ابىلقايىر وڭعار جۇرتتى سابىرعا شاقىرىپ, وزەن جاعاسىنداعى ۇيلەر ءۇشىن قاۋىپ جوق ەكەنىن مالىمدەدى. ونىڭ ايتۋىنشا بۇگىنگى تاڭدا جاعداي تۇراقتى جانە الاڭداۋعا ەشقانداي نەگىز جوق, دەپ حابارلايدى Egemen.kz.
باسقارما باسشىسىنىڭ مالىمدەۋىنشە, كوكتەم مەزگىلىندە سۋ دەڭگەيى ءجيى كوتەرىلەتىن وزەننەن تۇرعىندارعا قاۋىپ كەلمەۋ ءۇشىن وتكەن جىلى جاعالاۋى 5,3 شاقىرىمعا بەكىتىلىپ, ول جەلتوقسان ايىندا تولىق اياقتالعان بولاتىن. سونىمەن بىرگە قازىنادان قۇرىلىس جۇمىستارىنا 2,7 ميلليارد تەڭگە قارجى قاراستىرىلعان.
پرەزيدەنت سۋ تاسقىنى مەن قۇرعاقشىلىق قاۋپىنە الدىن الا دايىندالۋدى تاپسىردى
سونداي-اق قالالىق جايلى ورتانى دامىتۋ باسقارماسىنىڭ باسشىسى ايتىپ وتكەندەي, يگىلىك, جاڭاتالاپ, كوكبۇلاق ەلدى مەكەندەرىنىڭ تۇسىنداعى وزەن ارناسى رەتتەلىپ, جاعالاۋى بەتوندالعان. الايدا بەلگىسىز بىرەۋلەر وزەن ارناسىنان زاڭسىز تاس قازىپ الىپ, گيدروتەحنيكالىق قۇرىلىسقا زيان كەلتىرگەن. سونىڭ سالدارىنان بەتون بوگەتتىڭ 40 مەترگە جۋىق بولىگى ب ۇلىنگەن. قازىرگى تاڭدا قۇقىق قورعاۋ ورگاندارى كىنالىلەردى انىقتاۋ ىسىمەن اينالىسىپ جاتىر. جوبانىڭ كەپىلدىك مەرزىمى 7 جىلدى قۇرايتىندىقتان زاقىمدانعان بولىگى مەردىگەر كومپانيانىڭ ەسەبىنەن جوندەلەدى.
تارازداعى تاسقىن قاۋپى: تجم مەن اكىمدىك شۇعىل ىسكە كىرىستى