بۇگىن شىمكەنت قالاسىنىڭ اكىمدىگىندە «ورداباسى» كاسىبي فۋتبول كلۋبىن جەكەشەلەندىرۋ تۋرالى مەموراندۋمعا قول قويىلدى, دەپ حابارلايدى Egemen.kz.
كەلىسىمگە قالا اكىمى عابيت سىزدىقبەكوۆ پەن «Integra Construction KZ» جشس باسشىسى شاحمۇرات ءمۇتالىپ قول قويدى. اكىمدىك مالىمەتىنشە, مەموراندۋم مەملەكەت باسشىسى قاسىم-جومارت توقاەۆتىڭ كاسىبي فۋتبول كلۋبتارىن جەكەشەلەندىرۋ جانە كوممەرتسيالاندىرۋ جونىندەگى تاپسىرماسى اياسىندا جۇزەگە اسىرىلعان.
قۇجاتتىڭ نەگىزگى باعىتتارى رەتىندە ماتەريالدىق-تەحنيكالىق بازانى جاڭارتۋ, جاتتىعۋ ينفراقۇرىلىمىن دامىتۋ, باسقارۋ ۇدەرىستەرىن تسيفرلاندىرۋ جانە كلۋبتىڭ كوممەرتسيالىق تيىمدىلىگىن ارتتىرۋ ماسەلەلەرى اتالعان.
شىمكەنت قالاسىنىڭ اكىمى عابيت سىزدىقبەكوۆ كاسىبي سپورتقا جەكە ينۆەستيتسيا تارتۋ فۋتبول ينفراقۇرىلىمىن دامىتۋعا, جاس ويىنشىلاردى دايارلاۋعا جانە قالانىڭ ەلدەگى فۋتبول ورتالىقتارىنىڭ ءبىرى رەتىندەگى پوزيتسياسىن نىعايتۋعا جاڭا مۇمكىندىكتەر اشاتىنىن اتاپ ءوتتى.
فۋتبول كوممەنتاتورى «ورداباسى» كلۋبى پرەزيدەنتىنىڭ كەڭەسشىسى بولىپ تاعايىندالدى
«بۇل ماڭىزدى قادام شىمكەنتتىڭ ەلدەگى جەتەكشى فۋتبول ورتالىقتارىنىڭ ءبىرى رەتىندەگى ورنىن نىعايتادى. ول كلۋبتى ۇلتتىق جانە حالىقارالىق دەڭگەيدە باسەكەگە قابىلەتتى ەتۋگە, مۇمكىندىكتەرىن كەڭەيتۋگە جانە كاسىبي سپورتتىڭ تۇراقتى دامۋىنا قوسىمشا رەسۋرستار جۇمىلدىرۋعا مۇمكىندىك بەرەدى», دەدى ع. سىزدىقبەكوۆ.
ءوز كەزەگىندە شاحمۇرات ءمۇتالىپ كومپانيا كلۋبتى دامىتۋدى ۇزاق مەرزىمدى ءارى الەۋمەتتىك ماڭىزى بار جوبا رەتىندە قاراستىراتىنىن ايتتى.
«ورداباسى» – تاريحى باي ءارى جانكۇيەرلەرى مىقتى قولدايتىن كلۋب. ءبىزدىڭ الدىمىزدا ينفراقۇرىلىمعا, جاس ويىنشىلاردى دايارلاۋعا جانە باسەكەگە قابىلەتتى كوماندا قالىپتاستىرۋعا باسا ءمان بەرە وتىرىپ, كلۋبتىڭ تۇراقتى دامۋىن قامتاماسىز ەتۋ مىندەتى تۇر», دەدى ول.
قۇنى 120 ملن تەڭگە تۇرادى: «ورداباسىنىڭ» شابۋىلشىسى ەۋروپادا وينايدى
ايتا كەتەيىك, قىزىلوردالىق «قايسار» فۋتبول كلۋبى 2025 جىلدىڭ 30 قازانىنان باستاپ رەسمي تۇردە «TAU Group LTD» كومپانياسىنىڭ باسشىسى يسلامعالي قوزباقوۆتىڭ جەكە باسقارۋىنا بەرىلگەن ەدى.