ولگا رىپاكوۆانىڭ جۇلدەسى: جەڭىس تۇعىرىنا كىمدەر كوتەرىلدى؟

جەڭىل اتلەتتەر قىسقا, ورتا جانە ۇزاق قاشىقتىقتارعا جۇگىرۋ, كەدەرگىلەر ارقىلى جۇگىرۋ, ۇزىندىققا جانە بيىكتىككە سەكىرۋ سياقتى سپورتتىڭ بىرنەشە تۇرىنەن سايىسقا ءتۇستى. كاسىبي سپورتشىلارمەن قاتار زياتكەرلىك دامۋ ەرەكشەلىكتەرى بار قاتىسۋشىلار دا جارىس جولىنا شىىعىپ, العاش رەت ينكليۋزيۆتى فورماتتاعى سايىستار ۇيىمداستىرىلدى.

داڭقتى جەڭىل اتلەت, وليمپيادا چەمپيونى ولگا رىپاكوۆا بۇل جارىستى جاس تالانتتاردىڭ جارقىراپ شىعۋىنا جول اشاتىن مۇمكىندىك دەپ اتادى.

«وسكەمەندە وسىنداي ءدۇبىرلى باسەكە ءوتىپ جاتقانىنا قۋانىشتىمىن. بارشا قاتىسۋشىلارعا ساتتىلىك تىلەيمىن. جارىستى وتكىزۋگە دەمەۋشىلىك ەتكەن «كازتسينك» كومپانياسىنا, وبلىس, قالا اكىمدىكتەرىنە, دەنە شىنىقتىرۋ جانە سپورت باسقارماسىنا جانە باپكەرلەرگە العىس ايتامىن», دەدى ولگا رىپاكوۆا.

ايتا كەتەيىك, حالىقارالىق تۋرنيردە ەل قۇراماسى ساپىندا شىعىس قازاقستان وبلىسىنىڭ ساڭلاقتارى دا ونەر كورسەتتى.

ازيا چەمپيوناتى: قازاقستان جەڭىل اتلەتيكادان ەكىنشى التىن جۇلدەنى جەڭىپ الدى

جەڭىس تۇعىرىنان كورىنگەن سپورتشىلار قاتارىندا قازاقستان, وزبەكستان, تۇركيا ەلدەرىنىڭ, سونداي-اق افريكا قۇرلىعىنىڭ ساڭلاقتارى بولدى. ولگا رىپاكوۆانىڭ داڭقىن شىعارعان سپورت ءتۇرى – ۇزىندىققا ءۇش قارعىپ سەكىرۋدە ۇلتتىق قۇراما وكىلى ماريا ەفرەموۆا التىن مەدال يەلەنىپ, بۇل باسەكەدە وتاندىق اتلەتتەر ەشكىمگە دەس بەرمەيتىنىن كەزەكتى رەت دالەلدەدى. سول سياقتى سىرىقپەن سەكىرۋدە يۆان توۆچەنيك توپ جارسا, ەرلەر اراسىنداعى 60 مەترگە جۇگىرۋدە المات تولەباەۆ ۇزدىك ناتيجە كورسەتتى.

الينا چيستياكوۆا قازاقستان قۇراماسىنا العاشقى التىن مەدالدى سىيلادى

ايەلدەر اراسىندا 400 مەترگە جۇگىرۋدە ادەلينا زەمس كۇمىس جۇلدەگەر اتاندى. ال ءدال وسى قاشىقتىقتا ەرلەر اراسىندا وتانداسىمىز ەلنور مۋحيتدينوۆ چەمپيون بولدى. سول سياقتى الەكساندرا زاليۋبوۆسكايا (800 م) مەن يگور حرۋنين (800 م) التىن مەدال يەلەنسە, 3000 مەتردە داريا ميللەر مەن بەيبارىس ىزعالي ۇزدىك ناتيجە كورسەتتى. كەدەرگىلەر ارقىلى 60 مەترگە جۇگىرۋدە يۋليا باشمانوۆا مەن داۆيد ەفرەموۆ جەڭىمپاز اتاندى. ال 4×200 ارالاس ەستافەتادا قازاقستاننىڭ KAZ2 قۇراماسى توپ جاردى.

وسكەمەن