پرەمەر-مينيستر ولجاس بەكتەنوۆ جۇمىس ساپارىمەن استانا قالاسىنا بارىپ, جەو-3 نىسانىن ارالادى. ساپار بارىسىندا مەملەكەت باسشىسىنىڭ ۇكىمەتتىڭ كەڭەيتىلگەن وتىرىسىندا جۇكتەگەن جاڭا قۋات كوزدەرىن جاڭعىرتۋ جانە ىسكە قوسۋ جونىندەگى تاپسىرمالارى اياسىندا ەلوردانىڭ ەنەرگەتيكالىق ينفراقۇرىلىمىنىڭ جاي-كۇيى تەكسەرىلدى, دەپ حابارلايدى Egemen.kz.
ۇكىمەت باسشىسى تابيعي گازبەن جۇمىس ىستەيتىن جەو-3-ءتىڭ نەگىزگى جابدىقتارىمەن تانىستى. بيىل جوبانىڭ ءبىرىنشى كەزەڭىن تولىق اياقتاپ, ەكىنشى كەزەڭىن جۇزەگە اسىرۋ جوسپارلانعان. قازىرگى تاڭدا جىلۋ ەلەكتر ورتالىعى قالانىڭ بۇرىنعى ەنەرگيا تاپشىلىعىن تولىق جاۋىپ, ءوسىپ كەلە جاتقان سۇرانىستى ەسكەرە وتىرىپ, قوسىمشا قور قالىپتاستىرىپ وتىر. نىسان ساعاتىنا 440 گكال جىلۋ وندىرەدى. جىلۋ شىڭعىس ايتماتوۆ كوشەسى, ۇلى دالا, تۇران داڭعىلدارى بويىنداعى جانە وزگە دە قارقىندى دامىپ جاتقان اۋداندارعا جەتكىزىلەدى.
پاۆلودار: ەنەرگەتيكا قۋاتى ارتىپ كەلەدى
بيىل ستانسادا كومىردى رەزەرۆتىك بالاما وتىن رەتىندە پايدالانۋ مۇمكىندىگىن قامتاماسىز ەتەتىن جۇمىستار اياقتالماق. اتاپ ايتقاندا, وتىن جەتكىزۋ جۇيەسىن قايتا تيەۋ توراپتارىمەن جانە ۇساقتاۋ كورپۋسىمەن بىرىكتىرۋ, تەمىرجول ستانساسىن ينجەنەرلىك ينفراقۇرىلىمعا قوسۋ كوزدەلگەن. كوكتەمدە سىرتقى جانە ىشكى اۆتوجولدار سالۋ, اۋماقتى اباتتاندىرۋ جۇمىستارى جالعاسادى. ەكىنشى كەزەڭ اياسىندا جەكە ينۆەستيتسيالار ەسەبىنەن قۋاتى 500 مۆت بۋ-گاز قوندىرعىسىن سالۋ جوسپارلانعان. بۇل ەلوردانى سەنىمدى ەلەكتر قۋاتىمەن قامتاماسىز ەتۋگە مۇمكىندىك بەرەدى.
جىلىتۋ ماۋسىمى شتاتتىق رەجيمدە ءوتىپ جاتىراستانا قالاسىنىڭ اكىمى جەڭىس قاسىمبەك جىلىتۋ ماۋسىمىنىڭ شتاتتىق رەجيمدە ءوتىپ جاتقانىن باياندادى. قالانى ءۇش جىلۋ ەلەكتر ورتالىعى جانە ەكى گاز جىلۋ ستانساسى – «تۇران» مەن «وڭتۇستىك-شىعىس» قامتاماسىز ەتىپ وتىر. قۇرىلىسى قارقىن العان شاھاردىڭ بولاشاقتاعى قاجەتتىلىگىن ەسكەرە وتىرىپ, «تەلمان» گاز جىلۋ ستانساسىنىڭ قۇرىلىسى جۇرگىزىلىپ جاتىر. نىساندى 2027 جىلى ىسكە قوسۋ جوسپارلانعان.
ەنەرگەتيكا باعىتىنداعى ەلەۋلى وزگەرىستەر
ەنەرگەتيكا ءمينيسترى ەرلان اقكەنجەنوۆتىڭ مالىمەتىنشە, ەلىمىزدە بيىلعى جىلىتۋ ماۋسىمى تۇراقتى ءوتىپ جاتىر. جوندەۋ ناۋقانىنىڭ ناتيجەسىندە گەنەراتسيا كولەمى 17 273 مۆت-قا جەتىپ, وتكەن ماۋسىممەن سالىستىرعاندا 7%-عا ارتقان. 9 جىلۋ ورتالىعى اپات قاۋپى جوعارى «قىزىل» ايماقتان «سارىعا», ءۇش نىسان «سارىدان» «جاسىل» ايماققا اۋىستىرىلدى.
ەلەكتر ستانسالارىندا 10 ەنەرگيا بلوگى, 63 قازاندىق, 39 تۋربينا جوندەلگەن. 17 مىڭ شاقىرىم ەلەكتر جەلىسى مەن 420 قوسالقى ستانسا جاڭعىرتىلىپ, 323 شاقىرىم جىلۋ جەلىسى اۋىستىرىلدى. سوڭعى ءۇش جىلدا ەنەرگەتيكا سالاسىنا 1 ترلن تەڭگەدەن استام ينۆەستيتسيا تارتىلىپ, ەلەكتر تاپشىلىعى 29%-عا تومەندەگەن. بيىل 2,6 گۆت جاڭا قۋات كوزدەرىن ىسكە قوسۋ جوسپارلانسا, 2029 جىلعا قاراي ەلەكتر ەنەرگياسىن ءوندىرۋ كولەمى 39 ملرد كيلوۆاتت-ساعاتقا ۇلعايادى.
پرەمەر-مينيستر سالالىق مينيسترلىكتەر مەن قالا اكىمدىگىنە جەو-3 جوباسىن مەرزىمىندە اياقتاۋدى جەدەلدەتىپ, جىلىتۋ ماۋسىمىنىڭ تۇراقتى ءوتۋىن قاتاڭ باقىلاۋدا ۇستاۋدى تاپسىردى.
«ەلەكتر ەنەرگەتيكا سالاسىندا جۇمىس ىستەيتىن جانە باسقارۋشىلىق ءبىلىمى بار ادام رەتىندە مەن ەشبىر كۇردەلى جۇيە ناقتى ەرەجەلەرسىز, ءتارتىپسىز جانە بولىنگەن جاۋاپكەرشىلىكسىز جۇمىس ىستەي المايتىنىن جاقسى تۇسىنەمىن. ەنەرگەتيكادا بۇل قۋات پەن جۇكتەمەنىڭ تەپە-تەڭدىگى, مەملەكەتتە – وكىلەتتىكتەر مەن ينستيتۋتتاردىڭ تەپە-تەڭدىگى. كونستيتۋتسيا وسى جۇيەنىڭ ارحيتەكتۋراسىن بەلگىلەيدى. ۇسىنىلعان وزگەرىستەر مەملەكەتتىڭ ودان ءارى دامۋى ءۇشىن بەرىك قۇقىقتىق نەگىز قالىپتاستىرادى. مەن كونستيتۋتسيانىڭ جاڭا رەداكتسياسىن ەلدىڭ تۇراقتى جانە ءادىل دامۋىنىڭ نەگىزى رەتىندە قولدايمىن», دەدى «استانا-ەنەرگيا» اق جەو-3 باس ينجەنەرى نازىمبەك قاسەنوۆ.
نىساندى ارالاۋ بارىسىندا جەو-3 ۇجىمى جاڭا كونستيتۋتسيا جوباسىن قولدايتىندارىن ءبىلدىردى.
«ەڭبەك جولىمدى حيميا زاۋىتىندا باستادىم, قازىر ءىس جۇرگىزۋشى بولىپ جۇمىس ىستەيمىن. وسىلايشا مەن جاڭا قازاقستاننىڭ ەنەرگەتيكا سالاسىنا از دا بولسا ۇلەسىمدى قوسىپ وتىرمىن. كونستيتۋتسيا – ەلىمىزدىڭ دامۋ باعىتىن ايقىندايتىن ءبىزدىڭ باستى قۇجاتىمىز. كونستيتۋتسيالىق وزگەرىستەر مەملەكەت پەن حالىق اراسىنداعى بايلانىستى نىعايتادى جانە بولاشاققا سەنىمدى قادام جاساۋعا جول اشادى دەپ سانايمىن», دەدى «استانا-ەنەرگيا» اق جەو-3 جىلۋ اۆتوماتيكاسى جانە ولشەۋ تسەحىنىڭ ءىس جۇرگىزۋشىسى ماريا تسىبينا.
پرەمەر-مينيستر 15 ناۋرىزدا وتەتىن رەفەرەندۋمنىڭ ماڭىزىن اتاپ ءوتتى.
«وزدەرىڭىز بىلەتىندەي, قازىر ەلىمىز وتە ماڭىزدى ساياسي كەزەڭدى باستان وتكەرىپ جاتىر. جاڭا كونستيتۋتسيا – پرەزيدەنتىمىز قاسىم-جومارت كەمەل ۇلى توقاەۆتىڭ ادىلەتتى, قۋاتتى قازاقستاندى قۇرۋعا باعىتتالعان اۋقىمدى ساياسي رەفورمالارىنىڭ ايقىن كورىنىسى. اتا زاڭنىڭ ەڭ باستى ارقاۋى – ادام, ياعني ازاماتتارىمىزدىڭ ءومىرى مەن دەنساۋلىعى, قۇقىقتارى مەن بوستاندىعى. جاڭا كونستيتۋتسيادا «ەگەمەندىكتىڭ يەسى – قازاقستان حالقى» دەپ تايعا تاڭبا باسقانداي جازىلعان. ياعني, ادامي كاپيتالدى دامىتۋعا, ەڭبەك ادامىنا دەگەن مەملەكەتتىڭ كوزقاراسى تۇبەگەيلى وزگەرەدى. رەفەرەندۋمعا بەلسەندى قاتىسۋىمىز, ازاماتتىق جاۋاپكەرشىلىك تانىتۋىمىز جانە مەملەكەت پەن قوعامنىڭ مۇددەلەرىن باسشىلىققا الا وتىرىپ, سانالى تاڭداۋ جاساۋىمىز ماڭىزدى», دەدى ولجاس بەكتەنوۆ.
فرانتسيا قازاقستاننىڭ اتوم-ەنەرگەتيكالىق جوبالارىنا قالاي قولداۋ كورسەتەدى؟