اقش پرەزيدەنتى دونالد ترامپ 2009 جىلى قابىلدانعان جانە ەلدەگى فەدەرالدىق كليماتتىق تالاپتاردىڭ قۇقىقتىق نەگىزى بولىپ كەلگەن شەشىمنىڭ كۇشىن جويعانىن مالىمدەدى. اتالعان قۇجات اۆتوكولىك قۇرالدارىنىڭ پارنيكتىك گاز شىعارىندىلارىنا قويىلاتىن ستاندارتتار مەن ەلەكتر كولىكتەرىن قولداۋعا باعىتتالعان نورمالاردىڭ تىرەگى سانالعان, دەپ حابارلايدى Egemen.kz.
مالىمدەمە اق ۇيدە جاسالدى. دونالد ترامپ پەن اقش قورشاعان ورتانى قورعاۋ اگەنتتىگىنىڭ باسشىسى لي زەلدين بۇل قادامدى «اقش تاريحىنداعى ەڭ ءىرى دەرەگۋلياتسيالىق شارا» دەپ اتادى.
ەلىمىزدە اگروكليماتتىق پوليگون قۇرىلادى
ترامپتىڭ ايتۋىنشا, 2009 جىلعى «پارنيكتىك گازداردىڭ قاۋىپ توندىرەتىنى تۋرالى قورىتىندى» دەپ اتالاتىن قۇجات بۇرىنعى پرەزيدەنت باراك وباما اكىمشىلىگى تۇسىندا قابىلدانىپ, امەريكالىق اۆتوكولىك ونەركاسىبىنە زيان كەلتىرىپ, تۇتىنۋشىلار ءۇشىن باعانىڭ وسۋىنە اسەر ەتكەن.
ء«بىز وباما داۋىرىندەگى اپاتتى ساياساتتىڭ كۇشىن رەسمي تۇردە توقتاتامىز», دەدى ول ءباسپاسوز ءماسليحاتىندا.
اتالعان قورىتىندىدا 6 ءتۇرلى پارنيكتىك گاز حالىق دەنساۋلىعىنا قاۋىپ توندىرەدى دەپ تانىلعان. سونىڭ نەگىزىندە كولىك قۇرالدارىنىڭ شىعارىندىلارىنا شەكتەۋ قويۋ, سونداي-اق قازبا وتىنمەن جۇمىس ىستەيتىن كومپانيالاردى ءوز شىعارىندىلارى جونىندە ەسەپ بەرۋگە مىندەتتەۋ ءتارىزدى نورمالار ەنگىزىلگەن بولاتىن.
كليمات ماسەلەسى كۇن تارتىبىندە تۇر
ترامپ بۇل قۇجاتتىڭ عىلىمي ءارى قۇقىقتىق نەگىزى بولماعانىن العا تارتتى. ونىڭ سوزىنشە, قازبا وتىندارى ۇرپاقتار بويى ميلليونداعان ادامنىڭ ءومىرىن ساقتاپ, ميللياردتاعان ادامدى كەدەيلىكتەن شىعاردى.
ال باراك وباما ح الەۋمەتتىك جەلىسىندەگى پاراقشاسىندا اتالعان شەشىمنىڭ كۇشىن جويۋ قورشاعان ورتا مەن حالىق دەنساۋلىعىنا كەرى اسەر ەتۋى مۇمكىن ەكەنىن جازدى. ونىڭ پىكىرىنشە, 2009 جىلعى قورىتىندى اۆتوكولىك شىعارىندىلارى مەن ەلەكتر ستانسالارىنا قويىلعان شەكتەۋلەردىڭ نەگىزى بولعان.
«ونسىز ءبىز از قورعالعان, دەنساۋلىعى ءالسىز جانە كليماتتىڭ وزگەرۋىمەن كۇرەسۋگە قاۋقارسىز بولامىز», دەپ مالىمدەدى ول.
ساراپشىلاردىڭ پىكىرىنشە, بۇل شەشىم اقش-تىڭ كليماتتىق ساياساتىنا ەلەۋلى وزگەرىس اكەلىپ, ەنەرگيا نارىعى مەن اۆتوكولىك وندىرىسىنە ىقپال ەتۋى ىقتيمال.
كليماتتىق وزگەرىسكە – بايىپتى كوزقاراس