ەسىرتكى قىلمىسىنا قارسى ءىس-قيمىل كوميتەتى الماتى قالاسى مەن الماتى وبلىسىنىڭ اۋماعىندا ەسىرتكى زاتتارىن ينتەرنەت ارقىلى بايلانىسسىز تاسىلمەن تاراتۋمەن اينالىسقان ينتەرنەت دۇكەننىڭ قىزمەتىن توقتاتتى, دەپ جازادى Egemen.kz.
جەدەل-ىزدەستىرۋ ءىس-شارالارىنىڭ ناتيجەسىندە قىلمىستىق توپتىڭ 11 مۇشەسى, ونىڭ ىشىندە ۇيىمداستىرۋشىلار, وپەراتورلار جانە زاڭسىز قىزمەتتى قارجىلىق سۇيەمەلدەگەن تۇلعالار قولعا تۇسكەن.
الماتىدا جاسىرىلعان ەسىرتكى زەرتحاناسى اشكەرەلەندى
زاڭسىز اينالىمنان شامامەن 3 كەلى سينتەتيكالىق ەسىرتكى زاتتارى, سونداي-اق قىلمىستىق سحەمانى ۇيلەستىرۋ ءۇشىن پايدالانىلعان بايلانىس قۇرالدارى, بانك كارتالارى جانە تسيفرلىق تاسىمالداعىشتار تاركىلەنگەن.
ەسىرتكى قىلمىسىنا قارسى ءىس-قيمىل كوميتەتى اتالعان دەرەك بويىنشا سوتقا دەيىنگى تەرگەپ-تەكسەرۋ باستالعانىن مالىمدەدى.
استانادا ۇلاندىقتار ەسىرتكى قىلمىسىنىڭ جولىن كەستى
بۇعان دەيىن پاۆلودار پوليتسياسى زاڭسىز اينالىمنان 44 كەلى ەسىرتكىنى انىقتاپ, ولاردى ورتەۋ ءتاسىلى ارقىلى جويعانىن حابارلاعانبىز.