تامبلەر-ريدج قالاسىنداعى جەرگىلىكتى ورتا مەكتەپتە بولعان اتىس سالدارىنان جەتى ادام قازا تاۋىپ, تۇرعىن ۇيدەن تاعى ەكەۋىنىڭ ءمايىتى تابىلدى. پوليتسيا بولجامىنشا, اتىس ۇيىمداستىرعان ادام ءوزىن ولتىرگەن بولۋى مۇمكىن, دەپ حابارلايدى Egemen.kz.
كانادا پوليتسياسىنىڭ (RCMP) حابارلاۋىنشا, 27 ادام جاراقاتتانعان, ولاردىڭ ەكەۋىنىڭ جاعدايى اۋىر.
باستاپقىدا كانادالىق باق اتىستى ۇيىمداستىرعان ادام ايەل دەپ حابارلاعانىمەن, پوليتسيا رەسمي مالىمدەمەدە كۇدىكتى تۋرالى ناقتى اقپارات بەرمەگەن. الايدا جەرگىلىكتى تۇرعىنداردىڭ تەلەفوندارىنا تاراتىلعان شۇعىل حابارلامادا كۇدىكتىنىڭ قوڭىر شاشتى كويلەك كيگەن ايەل ەكەنى ايتىلعان.
ۆەنەسۋەلادا پرەزيدەنت رەزيدەنتسياسىنىڭ ماڭىندا اتىس بولدى
RCMP كومانديرى كەن فلويدتىڭ ايتۋىنشا, جاعداي وتە تەز وربىگەن.
«مەكتەپتىڭ, شۇعىل قىزمەتتەر مەن جەرگىلىكتى قاۋىمداستىقتىڭ جەدەل ءىس-قيمىلى ءبىزدىڭ جۇمىسىمىزدا شەشۋشى ءرول اتقاردى. ءبىز قازا تاپقانداردىڭ وتباسىلارىنا جانە وسى قايعىلى جاعدايدان زارداپ شەككەندەردىڭ بارلىعىنا كوڭىل ايتامىز. بۇل ءبىزدىڭ قاۋىمداستىق ءۇشىن وتە اۋىر كۇن بولدى», دەدى كوماندير.
جەرگىلىكتى مەكتەپ وكرۋگى تامبلەر-ريدجدەگى باستاۋىش جانە ورتا مەكتەپتەردىڭ اپتا سوڭىنا دەيىن جابىلاتىنىن حابارلادى.