«اۋىلدىق دەنساۋلىق ساقتاۋدى جاڭعىرتۋ» ۇلتتىق پيلوتتىق جوباسى اياسىندا كەگەن اۋدانىنا قاراستى جاڭاتالاپ اۋىلىندا جاڭا مەديتسينالىق پۋنكت پايدالانۋعا بەرىلدى, دەپ حابارلايدى Egemen.kz.
وسى كۇنى جاڭاتالاپ اۋىلىندا 630 تۇرعىن تىرشىلىك ەتەدى, ونىڭ ىشىندە 523 ەرەسەك جانە 80 بالا تىركەلگەن. بۇعان دەيىن اۋىل تۇرعىندارى مەديتسينالىق كومەكتى الۋ ءۇشىن اۋدان ورتالىعىنا بارۋعا ءماجبۇر بولاتىن. جاڭا مەديتسينالىق پۋنكتتىڭ اشىلۋى بۇل ماسەلەنى تۇبەگەيلى شەشىپ وتىر.
اقتوعاي اۋدانىندا جاڭا مەديتسينالىق پۋنكت پايدالانۋعا بەرىلدى
سالتاناتتى اشىلۋ راسىمىندە دەنساۋلىق ساقتاۋ باسقارماسىنىڭ باسشىسى ەرجان سۇلەيمەنوۆ بۇل كۇننىڭ اۋىل حالقى ءۇشىن ەرەكشە ماڭىزدى وقيعا ەكەنىن اتاپ ءوتتى.
«بۇل مەديتسينالىق پۋنكت اۋىل تۇرعىندارىنا العاشقى مەديتسينالىق كومەكتى جەدەل ءارى ساپالى كورسەتۋگە مۇمكىندىك بەرەدى جانە اۋدان ورتالىعىنا بارۋ قاجەتتىلىگىن ايتارلىقتاي ازايتادى. اۋىل حالقىنىڭ دەنساۋلىعىنا قولجەتىمدىلىكتى ارتتىرۋ – ءبىزدىڭ باستى ماقساتتارىمىزدىڭ ءبىرى», دەدى.
مەديتسينالىق پۋنكتتە العاشقى مەديتسينالىق‑سانيتارلىق كومەك كورسەتۋ, پروفيلاكتيكالىق تەكسەرۋلەر جۇرگىزۋ, ەكپە شارالارى, انا مەن بالا دەنساۋلىعىن باقىلاۋ, سوزىلمالى اۋرۋلارى بار ناۋقاستاردى ديسپانسەرلىك ەسەپكە الۋ سياقتى قىزمەتتەر كورسەتىلەدى. پۋنكت زاماناۋي مەديتسينالىق قۇرال‑جابدىقتارمەن تولىق جابدىقتالعان جانە ءبىر ورتا بۋىن مەديتسينا قىزمەتكەرى جۇمىس ىستەيدى.
بەگالى اۋىلىندا قايتارىلعان اكتيۆتەر ەسەبىنەن مەديتسينالىق پۋنكت سالىندى