الماتىنىڭ بوستاندىق اۋدانىندا كوشى-قون زاڭناماسىنىڭ ساقتالۋىنا باعىتتالعان رەيد بارىسىندا 16 شەتەل ازاماتى قازاقستان رەسپۋبليكاسىنىڭ اۋماعىنان شىعارىلدى, دەپ حابارلايدى Egemen.kz.
الماتى پوليتسيا دەپارتامەنتىنىڭ مالىمەتىنشە, تەكسەرۋ قورىتىندىسىمەن بارلىعى 135 ادام اكىمشىلىك جاۋاپكەرشىلىككە تارتىلعان. زاڭ تالاپتارىن ورەسكەل بۇزعان 16 شەتەلدىككە قاتىستى ەلدەن شىعارۋ تۋرالى شەشىم قابىلداندى. سونىمەن قاتار 27 ادام جەكە باسىن انىقتاۋ ءۇشىن قابىلداۋ-تاراتۋ ورنىنا جەتكىزىلدى, ال 23 قابىلداۋشى تۇلعا زاڭ بويىنشا جاۋاپ بەردى.
رەيد بارىسىندا كوشى-قون پوليتسياسىنىڭ قىزمەتكەرلەرى جەكە باسىن كۋالاندىراتىن قۇجاتتارى جوق ازاماتتاردى انىقتادى. ولار سپا-سالونداردىڭ بىرىندە جانە قۇرىلىس نىسانىندا بولعان. قۇجاتتارى بولماعان بارلىق ازامات جەكە باسىن ناقتىلاۋ ءۇشىن قابىلداۋ-تاراتۋ ورنىنا ورنالاستىرىلدى.
اتىراۋدا ءبىر جىل بويى زاڭسىز جۇرگەن شەتەلدىك ازامات ەلدەن شىعارىلدى
الماتى پوليتسيا دەپارتامەنتى كوشى-قون قىزمەتى باسقارماسىنىڭ باستىعى ەركىن امانتاەۆتىڭ مالىمەتىنشە, اتالعان شارالاردىڭ باستى ماقساتى — شەتەل ازاماتتارىنىڭ ەل اۋماعىندا زاڭسىز بولۋىنان تۋىنداۋى مۇمكىن قاۋىپتەردىڭ الدىن الۋ. پوليتسيا تىركەۋ تالاپتارىنىڭ ساقتالۋىن, ەلدە بولۋ زاڭدىلىعىن جانە قابىلداۋشى تاراپتاردىڭ جاۋاپكەرشىلىگىن جۇيەلى تۇردە تەكسەرۋ ارقىلى قالاداعى قوعامدىق ءتارتىپ پەن قاۋىپسىزدىكتى قامتاماسىز ەتۋدى كوزدەيدى.
اتىراۋدا سوت شەشىمىن ورىنداماعان 18 شەتەلدىك ەلدەن شىعارىلدى