استانا. 25 ناۋرىز. قازاقستان پرەزيدەنتى نۇرسۇلتان نازارباەۆ Airbus A320 ۇشاعىندا قازا تاپقان قازاقستان رەسپۋبليكاسى ازاماتتارىنىڭ تۋعان-تۋىستارىنا كوڭىل ايتتى. بۇل تۋرالى اقوردا ءباسپاسوز قىزمەتىنىڭ دەرەگىنە سۇيەنگەن egemen.kz ءتىلشىسى حابارلادى.
جەدەلحات Germanwings اۆياكومپانياسىنىڭ ۇشاعى اپاتقا ۇشىراۋى ناتيجەسىندە قازا تاپقان قازاقستان ازاماتتارىنىڭ تۋعان-تۋىستارى مەن جاقىندارىنا جولداندى.
جەدەلحاتتا مەملەكەت باسشىسىنىڭ قازاقستاندىقتاردىڭ اتالمىش اۆيااپاتتا وپات بولعاندارى تۋرالى قارالى حاباردى وكىنىشپەن قابىلداعانى اتاپ وتىلەدى.
نۇرسۇلتان نازارباەۆ قازاقستان حالقى اتىنان جانە ءوزىنىڭ جەكە اتىنان قازا تاپقانداردىڭ تۋعان-تۋىستارى مەن جاقىندارىنا قاتتى قايعىرىپ, كوڭىل ايتادى.
مەملەكەت باسشىسى سونداي-اق قازاقستان رەسپۋبليكاسىنىڭ ءتيىستى مەملەكەتتىك ورگاندارىنا قازا تاپقاندار مايىتتەرىنىڭ قالدىقتارىن وتانىمىزعا جەتكىزۋدەن باستاپ, ولاردىڭ تۋعان-تۋىستارىنا قاجەتتى بارلىق كومەكتى كورسەتۋدى تاپسىردى.