جامبىل وبلىسىندا بيىل يسلام دامۋ بانكىنىڭ قارجىلاندىرۋىمەن 76 كانالعا جوندەۋ جۇمىستارىن جۇرگىزۋ جوسپارلانعان, دەپ حابارلايدى Egemen.kz.
وبلىستىق اۋىل شارۋاشىلىعى باسقارماسىنىڭ باسشىسى ءابدىراسىل جەلەۋباەۆتىڭ ايتۋىنشا, جوندەۋ جۇمىسى جۇرگىزىلەتىن كانالداردىڭ جالپى سۋارۋ الاڭى 51,4 مىڭ گەكتاردى قۇرايدى ەكەن. القاپتارعا سۋ جەتكىزۋ مۇمكىندىگىنىڭ شەكتەۋلى بولۋىنا بايلانىستى سۋارمالى ەگىستىك كولەمى قىسقارتىلماق.
«2026 جىلى ەگىس القاپتارىنىڭ جالپى كولەمى وتكەن جىلمەن سالىستىرعاندا 16,7 مىڭ گەكتارعا ازايىپ, 623,3 مىڭ گەكتارعا اۋىل شارۋاشىلىعى داقىلدارىن ەگۋ جوسپارلانۋدا. بۇل رەتتە ەگىس القاپتارىنىڭ قۇرىلىمىن ارتاراپتاندىرۋعا ەرەكشە كوڭىل ءبولىنىپ, سۋدى از قاجەت ەتەتىن داقىلدارعا باسىمدىق بەرىلەدى», دەيدى باسقارما باسشىسى.
جامبىل وبلىسىندا 40 مىڭنان استام جۇمىس ورنى اشىلادى