ءماجىلىس دەپۋتاتى دانيا ەسپاەۆا كونستيتۋتسيالىق رەفورمالار جونىندەگى كوميسسيانىڭ بەسىنشى وتىرىسىندا اتا زاڭعا ۇسىنىلعان وزگەرىستەردىڭ كولەمى مەن تەرەڭدىگى تەك قانا جەكەلەگەن تۇزەتۋلەر اياسىندا قالمايتىنىن, كونستيتۋتسيانىڭ جاڭا ءماتىنىن ازىرلەۋ قاجەتتىگىنە وبەكتيۆتى تۇردە الىپ كەلەتىنىن ايتتى, دەپ حابارلايدى Egemen.kz.
ونىڭ سوزىنشە, باستاپقىداعى پارلامەنتتىك رەفورما تۋرالى باستاما, سونداي-اق قوعامدىق قاتىناستاردىڭ ترانسفورماتسياسى, تسيفرلاندىرۋ مەن جاساندى ينتەللەكتىنىڭدامۋى اتا زاڭدى كەشەندى تۇردە قايتا قاراۋدى تالاپ ەتەدى. كوميسسياعا ەكى مىڭنان استام ۇسىنىس كەلىپ ءتۇستى, ولار قازىرگى كونستيتۋتسيالىق نورمالاردىڭ جارتىسىنان استامىن قامتيدى, بۇل تەك جەكەلەگەن باپتاردى جاڭارتۋ ەمەس, مەملەكەتتىڭ باسقارۋ قۇرىلىمىنىڭ ارحيتەكتۋراسىن قايتا قاراۋ قاجەتتىلىگىن كورسەتەدى.
«قازىر الدىمىزدا اتا زاڭنىڭ جەكەلەگەن بولىمدەرىن تۇزەتۋ نەمەسە تولىقتىرۋدان اسىپ تۇسەتىن مىندەت تۇر. بۇل – مەملەكەتتىك باسقارۋ جۇيەسىنىڭ, قۇقىقتار مەن بوستاندىقتاردىڭ كەپىلدىكتەرىنىڭ جانە بيلىك پەن قوعام اراسىنداعى ءوزارا ىقپالداستىق تەتىكتەرىن تەرەڭ قايتا قاراۋ», دەدى دانيا ەسپاەۆا.
ول سونداي-اق بۇل ءتاسىل قۇقىقتىق اكتىلەر تۋرالى زاڭناما تالاپتارىنا ساي ەكەنىن اتاپ ءوتتى: نورماتيۆتىك قۇجات ءماتىنىنىڭ جارتىسىنان استامى وزگەرگەن جاعدايدا ونىڭ جاڭا رەداكتسياسى قابىلدانۋى ءتيىس. وسى لوگيكا بويىنشا, جاڭا كونستيتۋتسيانى ازىرلەۋ زاڭعا نەگىزدەلگەن قادام بولىپ تابىلادى.
ەرلان قارين: جاڭا كونستيتۋتسيا قازاقستاننىڭ كەمەلدەنگەن مەملەكەتتىگىن كورسەتەدى
«جاڭا كونستيتۋتسيا مەملەكەتتىڭ تۇراقتى دامۋى ءۇشىن بەرىك قۇقىقتىق نەگىز بولۋعا ءتيىس. بۇل قازاقستاننىڭ مەملەكەتتىلىكتىڭ جاڭا كەزەڭىنە قادام باسىپ وتىرعانىنىڭ اشىق جاريالانعان جاۋابى بولادى», دەپ تۇيىندەدى دانيا ەسپاەۆا.