مەملەكەتتىك قولداۋمەن باسپانا الۋعا ۇمىتكەر ەل تۇرعىندارى ءۇشىن باسپانا كەزەگىن تۇگەندەۋ ناۋقانى اياقتالۋعا جاقىن. «وتباسى بانك» جۇرگىزگەن ينۆەنتاريزاتسيا ناتيجەسىندە دەرەكتەر ناقتىلانىپ, قاتەلەر مەن قايتالاناتىن جازبالار تۇزەتىلدى, دەپ حابارلايدى Egemen.kz.
تۇگەندەۋ جۇمىستارى جەڭىلدەتىلگەن يپوتەكا مەن مەملەكەتتەن بەرىلەتىن جالدامالى تۇرعىن ءۇيدى جاڭا قاعيدالار بويىنشا ءادىل ءبولۋ ماقساتىندا جۇرگىزىلگەن.
«13 تامىزدا بىزگە 642 مىڭ ازاماتتىڭ دەرەكقورى بەرىلدى. جاڭا ەرەجەلەر بويىنشا كرەديتتىك جانە جالدامالى تۇرعىن ءۇيدى ءبولۋ ءۇشىن 4,5 اي بويى SMS جىبەرىپ, قوڭىراۋ شالىپ, تۇگەندەۋدەن ءوتۋ قاجەتتىگىن ەسكەرتتىك. جاقسى جاڭالىق – 244 مىڭ ادام ينۆەنتاريزاتسيادان ءساتتى ءوتتى, ياعني بارلىق ولشەمشارتتار سايكەس كەلەدى», دەدى «وتباسى بانك» باسقارما توراعاسى ءلاززات يبراگيموۆا.
زەينەتاقى جيناعىن تۇرعىن ءۇي ساتىپ الۋعا پايدالانۋ ءتارتىبى وزگەرتىلدى
تەكسەرۋ قورىتىندىسى بويىنشا 55 مىڭنان استام ازاماتتىڭ تۇرعىن ءۇي كەزەگى ۋاقىتشا توقتاتىلعان. سەبەبى ولاردىڭ جەكە مەنشىگىندە نەمەسە جۇبايىمەن ورتاق مەنشىكتە باسپاناسى بارى انىقتالعان. مۇنداي جاعدايدا ازاماتتار مەملەكەتتىك تۇرعىن ءۇي باعدارلامالارىنا قاتىسا المايدى.
سونىمەن قاتار تۇگەندەۋ بارىسىندا ۇلەستىك مەنشىككە يە ازاماتتاردىڭ دا كوپ ەكەنى بەلگىلى بولعان.
«كەيبىر ادامداردا اجەسىنەن نەمەسە اناسىنان قالعان 1/7 ۇلەس سياقتى مۇرا بار. ءتىپتى كەيبىرى وزىندە ۇلەس بارىن بىلمەگەن, ول جەكەشەلەندىرۋ كەلىسىمدەرى كەزىندە, كامەلەتكە تولماعان شاعىندا راسىمدەلگەن», دەدى ل.يبراگيموۆا.
ەندى تۇرعىن ۇيدە ۇلەسى بار ازاماتتار جەڭىلدەتىلگەن يپوتەكا الا الادى
وسى جايتتاردى ەسكەرە وتىرىپ, بانك ۇلەستىك مەنشىگى بار ازاماتتاردى مەملەكەتتىك قولداۋ باعدارلامالارىنا قاتىستىرۋ تۋرالى شەشىم قابىلداعان.
ءبىر ايدا 53 مىڭ مامىلە جاسالدى: تۇرعىن ءۇي باعاسى قاي قالالاردا قاتتى كوتەرىلدى؟