قوناەۆ قالاسىنىڭ تۇرعىنى سابىرجان ەرلانوۆ 90 كۇننەن استام ۋاقىت بويى ايازعا قاراماستان قاپشاعاي سۋىنا شومىلىپ كەلەدى. ول بۇل قادامى ارقىلى وڭىردە سالاۋاتتى ءومىر سالتىن ناسيحاتتاپ ءجۇر, دەپ حابارلايدى Egemen.kz.
بالا كەزىنەن سپورتقا اۋەس ازامات بۇگىندە پانكراتيونمەن اينالىسادى, جەكپە-جەككە قاتىسادى. اپتاسىنا 3 رەت كۇشتىك جاتتىعۋلار جاسايدى. سونىمەن قاتار ءتۇرلى مارافوندارعا قاتىسىپ, تاۋعا شىعادى. ەڭ بيىك باعىندىرعان شىڭى – «پيك سوۆەتوۆ» (4317 م).
تجم كرەششەنيە شومىلۋى كەزىندەگى قاۋىپسىزدىك ەرەجەلەرىن ەسكە سالادى
ال سۋىق سۋعا شومىلۋدى وسىدان 96 كۇن بۇرىن باستاعان. سابىرجاننىڭ ايتۋىنشا, مۇزداي سۋعا ءتۇسۋ – ادام بويىنا سەرگەكتىك سىيلاپ, بويىن شىمىرلاتىپ, يممۋنيتەتتىڭ كوتەرىلۋىنە كومەكتەسەدى.
«ەڭ باستىسى – ءتارتىپ پەن رەجيمدى قاتاڭ ۇستانۋ كەرەك», دەيدى كاسىبي سپورتشى.
قازىر ونىڭ باستاماسىنا 10 شاقتى ادام قوسىلعان. سونىڭ ءبىرى – گەننادي. ول سۋىق سۋعا ءتۇسۋدىڭ ارقاسىندا كۇيزەلىسكە قارسى توزىمدىلىگى ارتىپ, بويىنا الاپات كۇش-جىگەر پايدا بولعانىن ايتادى.
الماتى وبلىسىندا سۋعا شومىلۋ ءراسىمى ءوتىپ جاتىر