الماتى اكىمىنىڭ ورىنباسارى بەيبىت شاحانوۆ حالىقارالىق اۋەجاي ماڭىنداعى بىرقاتار تۇرعىن ءۇي كەشەنىنىڭ قۇرىلىس بارىسىن تەكسەردى, دەپ حابارلايدى Egemen.kz.
تەكسەرۋ بارىسىندا «Bastion» تۇرعىن ءۇي كەشەنىنىڭ قۇرىلىسى ازاماتتىق اۆياتسيا سالاسىنداعى ۋاكىلەتتى ورگانداردىڭ كەلىسىمىنسىز جانە رۇقساتسىز جۇرگىزىلىپ جاتقانى انىقتالدى.
الماتىدا زاڭسىز سالىنعان تاعى ءبىر نىسان ءسۇرىلدى
«قولدانىستاعى زاڭناما تالاپتارىنا سايكەس, اۋەايلاققا جاقىن ايماقتاردا جانە بەلگىلەنگەن كۇزەت اۋماعى راديۋسىندا كوپقاباتتى عيماراتتاردى سالۋعا رۇقسات ەتىلمەيدى. وسى ايماقتا سالىنىپ جاتقان بارلىق نىسان ءتيىستى كەلىسىم الۋعا مىندەتتى. مۇنداي قۇجاتسىز ءبىز قۇرىلىستى توقتاتامىز, قاجەت بولعان جاعدايدا سۇرىلەدى», دەدى بەيبىت شاحانوۆ.
سونداي-اق «Dream City Tech» تۇرعىن ءۇي كەشەنىنىڭ قۇرىلىس الاڭىندا قۇرىلىس سالۋشىنىڭ قاسبەتتى كەلىسىمسىز قاپتاي باستاعانى بەلگىلى بولدى.
تاۋ بوكتەرىنەن زاڭسىز نىساندار ءسۇرىلدى
قالا اكىمىنىڭ ورىنباسارى «شىعىس قاقپاسى» پوليورتالىعىنداعى بارلىق قۇرىلىس نىسانىنىڭ ساۋلەتتىك كەلبەتى بەكىتىلگەن بىرىڭعاي تۇجىرىمداماعا قاتاڭ ساي بولۋعا ءتيىس ەكەنىن قاداپ ايتتى.
بۇل زاڭبۇزۋشىلىقتارعا بايلانىستى اتالعان نىسانداردا بارلىق قۇرىلىس جۇمىسىن مىندەتتى كەلىسىم مەن رۇقسات الىنعانعا دەيىن توقتاتۋ تۋرالى شەشىم قابىلداندى.
الماتىدا زاڭسىز سالىنعان ءىرى نىسان ءسۇرىلدى