اقتاۋ. 25 ماۋسىم. ماڭعىستاۋدا اعالى-ءىنىلى قوس جىگىت تەڭىزگە باتىپ كەتتى. بۇل تۋرالى 24.kz تەلەارناسىنا سىلتەمە جاساعان egemen.kz ءتىلشىسى حابارلادى.
قايعىلى وقيعا كاسپيدىڭ سۋعا تۇسۋگە تىيىم سالىنعان ايماعىندا بولعان. اعايىندى جىگىتتەر ءبىرىن-ءبىرى قۇتقارامىن دەپ ءجۇرىپ سۋعا باتىپ كەتكەن. ولاردىڭ ءبىرى 17 جاستا بولسا, ەكىنشىسى 21 جاستا ەكەن.
قۇتقارۋ قىزمەتى ءىنىسىن بىرەر ساعاتتان سوڭ تاپقان, ال اعاسىن 15 قۇتقارۋشى ەكى تاۋلىكتەن بەرى تىنباي ىزدەستىرگەنمەن, تابىلماۋدا. شومىلۋ ماۋسىمى باستالعالى 7 ادام كاسپيگە باتىپ كەتكەن. الايدا, وقيعالاردىڭ باسىم بولىگى قاۋىپتى ايماقتاردا تىركەلگەن.
«اعىنمەن الىپ كەتتى دەگەن بولجاممەن ۇلكەن كەمە مەن گيدروتسيكلدى تەڭىزگە شىعارىپ, ادامدى ىزدەپ جاتىرمىز. بۇل جەر ەكى جاعىنان باعانامەن قورشالعان. بيلبورد پەن تاقتايشالار قويىلعان. سوعان قاراماستان, دەمالۋشىلار وسى جەرگە كەلىپ سۋعا شومىلۋدا», – دەيدى ماڭعىستاۋ وبلىستىق سۋدا قۇتقارۋ قىزمەتىنىڭ باسشىسى ايبول جۇماشەۆ. سوندىقتان توتەنشە جاعدايلار قىزمەتكەرلەرى سۋعا ءتۇسۋ ەرەجەلەرى مەن قاۋىپسىزدىك شارالارىن قاتاڭ ساقتاۋدى ەسكەرتەدى.
گۇلايىم شىنتەمىرقىزى.
دەرەك, سۋرەت: egemen.kz.