بۇگىن تۇندە استانانىڭ ەسىل اۋدانىن تۇركىستان كوشەسىندە ورنالاسقان 21 قاباتتى تۇرعىن ءۇيدىڭ 15-قاباتىنداعى پاتەردە ءورت شىقتى, دەپ حابارلايدى Egemen.kz توتەنشە جاعدايلار مينيسترلىگىنە سىلتەمە جاساپ.
حابارلاما تۇسكەننەن كەيىن تجم كۇشتەرى مەن قۇرالدارى وقيعا ورنىنا جەدەل جەتتى. العاشقى بولىمشەلەر كەلگەن كەزدە پاتەر اشىق جالىنمەن جانىپ جاتقانى انىقتالعان.
ءورتتى ءسوندىرۋ بارىسىندا جانىپ جاتقان پاتەردەن كۇيىك العان ايەل قۇتقارىلىپ, جەدەل جاردەم بريگاداسىنا تاپسىرىلدى. ول №1 كوپسالالى قالالىق اۋرۋحاناعا جەتكىزىلدى. وقيعا ورنىنان ءۇش كامەلەتكە تولماعان بالانىڭ ءمايىتى تابىلدى.
تجم كۇشتەرى جوعارعى قاباتتاردان 20 ادامدى ەۆاكۋاتسيالادى, تاعى 40-قا جۋىق ادام عيماراتتان ءوز بەتىنشە شىققان. ءورت تولىق ءسوندىرىلدى. ءورتتىڭ شىعۋ سەبەبى انىقتالىپ جاتىر.
اكىمدىك مالىمەتىنشە, زارداپ شەككەن ايەلگە جانە قازا تاپقانداردىڭ وتباسىنا قاجەتتى جان-جاقتى كومەك كورسەتىلەدى. جاعداي ەرەكشە باقىلاۋعا الىندى.
ساتباەۆتا كوپقاباتتى ۇيدەن ءورت شىقتى: 4 بالا قۇتقارىلدى