اتىراۋ وبلىسىندا جىل باسىنان بەرى وزگە ەلدەردەن كەلگەن 91 ادامنىڭ كوشى-قون زاڭناماسىن بۇزعانى انىقتالدى, دەپ حابارلايدى Egemen.kz.
سوتتىڭ قازاقستان اۋماعىنان تىسقارى شىعارۋ تۋرالى شەشىمدەرىن ورىنداۋدان جالتارىپ جۇرگەن شەتەلدىكتەردى انىقتاۋ ماقساتىندا كەشەندى شارالار جۇرگىزىلىپ جاتىر.
اتىراۋدا كوشى-قون زاڭناماسىن بۇزعان 27 شەتەلدىك ەلدەن شىعارىلدى
«جىل باسىنان بەرى اتىراۋ وبلىسىندا كوشى-قون زاڭناماسىن بۇزعان 91 شەتەلدىك ازامات انىقتالدى. ونىڭ ىشىندە سوتتىڭ ەل اۋماعىنان تىسقارى شىعارۋ تۋرالى شەشىمىن ءوز ەركىمەن ورىنداماعان 18 شەتەلدىك بار. سوت شەشىمىن ورىنداۋدان جالتارعان شەتەلدىكتەر ماڭعىستاۋ وبلىسىندا ورنالاسقان «تاجەن» باقىلاۋ-وتكىزۋ بەكەتى ارقىلى ەل اۋماعىنان تىسقارى شىعارىلدى. شەتەلدىكتەرگە قازاقستان اۋماعىنا 5 جىل مەرزىمگە كەرى كىرۋگە تىيىم سالىندى», دەپ حابارلادى وبلىستىق پوليتسيا دەپارتامەنتىنىڭ ءباسپاسوز قىزمەتى.
اتىراۋدا ءبىر جىل بويى زاڭسىز جۇرگەن شەتەلدىك ازامات ەلدەن شىعارىلدى