ەندى كەزەكتە تۇرعان ازاماتتارعا تۇرعىن ۇيدەگى ۇلەسىنىڭ بولۋىنا بايلانىستى جەڭىلدەتىلگەن يپوتەكا نەمەسە جالدامالى تۇرعىن ءۇي بەرۋدەن باس تارتىلمايدى. جاڭا ەرەجە اقپان ايىنان باستاپ كۇشىنە ەنەدى, دەپ حابارلايدى Egemen.kz.
بۇعان دەيىن كەز كەلگەن تۇرعىن ۇيدە ەڭ از ۇلەستىڭ بولۋى حالىقتى مەملەكەتتىك قولداۋعا ۇمىتكەر بولۋ قۇقىعىنان اۆتوماتتى تۇردە ايىراتىن. قولدانىستا بولعان تالاپتارعا سايكەس, ءوتىنىش بەرۋشىنىڭ سوڭعى بەس جىل ىشىندە مەنشىگىندە جىلجىمايتىن مۇلكى بولماۋى ءتيىس ەدى. الايدا بۇل ۇلەس كوبىنە فورمالدى سيپاتتا بولىپ, مىسالى, اتا-اناسىنىڭ پاتەرىندەگى ۇلەس بولعانىمەن, ءىس جۇزىندە ادامنىڭ ءوز باسپاناسى بار ەكەنىن بىلدىرمەيتىن.
قازاقستاندا تۇرعىن ءۇيدى جالعا الۋ قۇنى 13%-عا ءوستى
ەندى بۇل شەكتەۋ الىنىپ تاستالدى. كەزەكتە تۇرعان ازاماتتار تۇرعىن ۇيدەگى ۇلەسى بولعان كۇننىڭ وزىندە جەڭىلدەتىلگەن يپوتەكاعا نەمەسە جالدامالى تۇرعىن ۇيگە ۇمىتكەر بولا الادى.
«ەندى ازاماتتاردىڭ تۇرعىن ۇيدە ۇلەسى بولسا دا, ەگەر ول كەزەكتە تۇرسا, مەملەكەتتىك قولداۋعا قول جەتكىزە الادى. بۇل – بانكتىڭ باستاماسى, سەبەبى زاڭ دەڭگەيىندە بۇل ماسەلە ازىرگە رەتتەلمەگەن», دەپ حابارلادى «وتباسى بانكى».
ءبىر ايدا 53 مىڭ مامىلە جاسالدى: تۇرعىن ءۇي باعاسى قاي قالالاردا قاتتى كوتەرىلدى؟
قارجى ينستيتۋتى بۇل شەشىمنىڭ فورمالدى ۇلەسىنە بولا باسپاناسىز قالعان كوپتەگەن ازاماتتاردىڭ شاعىمىنان كەيىن قابىلدانعانىن ءتۇسىندىردى.
بۇعان دەيىن قازاقستاندا ءتۇرلى ساناتتاعى ازاماتتاردى قولداۋعا باعىتتالعان مەملەكەتتىك يپوتەكالىق باعدارلامالار جۇمىسىن جالعاستىرىپ جاتقانى حابارلانعان ەدى.