قازىر نيۋ-دەليدە ءداستۇرلى حالىقارالىق كىتاپ كورمەسى ءوتىپ جاتىر. ەكسپوزيتسياعا قويىلعان قازاق كىتاپتارىنىڭ جانرلىق اۋقىمى كەڭ: ەل تاريحىن ارقاۋ ەتكەن ەڭبەكتەر, بالالارعا ارنالعان ادەبيەت, سونداي-اق زاماناۋي قالامگەرلەردىڭ تۋىندىلارى بار. ءىس-شارانى ۇيىمداستىرۋعا مادەنيەت جانە اقپارات مينيسترلىگى, ۇلتتىق كىتاپحانا جانە قازاقستاننىڭ ۇندىستانداعى ەلشىلىگى قولداۋ كورسەتتى, دەپ حابارلايدى Egemen.kz.
حالىقارالىق كىتاپ كورمەسىنە كەلۋشىلەر سانى كوپ, قاتىسۋشىلاردىڭ ايتۋىنشا, قازاق ادەبيەتىنە, اسىرەسە جاس وقىرماندار تاراپىنان قىزىعۋشىلىق ايرىقشا بايقالادى. كورمە اياسىندا مۇحتار اۋەزوۆ, ءابىش كەكىلباەۆ, سايىن مۇراتبەكوۆ, دۋلات يسابەكوۆ سەكىلدى كورنەكتى جازۋشىلاردىڭ شىعارمالارىن قوسا العاندا, شامامەن 20 كىتاپ تانىستىرىلدى.
كىتاپ كورمەسى: ءۇندى وقىرماندارى قازاق تاريحىنا قىزىعادى
سونىمەن قاتار اباي قۇنانباي ۇلىنىڭ قارا سوزدەرى حيندي تىلىنە اۋدارىلىپ, ءۇندى وقىرماندارىنا جول تارتتى. بۇل باستاما ارقىلى ءۇندى جۇرتشىلىعى قازاق حالقىنىڭ رۋحاني الەمى مەن ءومىر سالتىن ادەبيەت ارقىلى تەرەڭىرەك تانىپ-بىلۋگە مۇمكىندىك الدى.
فرانكفۋرتتاعى حالىقارالىق كىتاپ كورمەسى