ۇلتتىق ستاتيستيكا بيۋروسىنىڭ الدىن الا دەرەكتەرىنە سايكەس, 2025 جىلدىڭ قاڭتار-جەلتوقسان ايلارىنىڭ قورىتىندىسى بويىنشا ەلىمىزدىڭ ىشكى جالپى ءونىمى ء(ىجو) وتكەن جىلدىڭ وسى كەزەڭىمەن سالىستىرعاندا 6,5%-عا ءوستى, دەپ جازادى Egemen.kz.
مەملەكەت باسشىسىنىڭ تاپسىرماسى بويىنشا ۇكىمەت ەكونوميكانى ءارتاراپتاندىرۋ جونىندە جۇيەلى شارالار قابىلداپ جاتىر. ۇكىمەتتىڭ ءباسپاسوز قىزمەتىنىڭ مالىمەتىنشە, وتكەن جىلى ەكونوميكالىق وسىمگە نەگىزگى ۇلەستى كولىك, قۇرىلىس جانە ساۋدا سالالارى قوستى.
ونەركاسىپ ءوندىرىسىنىڭ يندەكسى جىل قورىتىندىسى بويىنشا – 7,4%-دى قۇرادى. وڭدەۋ سەكتورى – 6,4% دەڭگەيىندە تۇراقتى ءوسىمدى كورسەتىپ كەلەدى. وڭ كورسەتكىشتەر ازىق-ت ۇلىك ءوندىرىسىنىڭ – 8,1%-عا, وڭدەلگەن مۇناي ونىمدەرىن وڭدەۋ – 5,9%-عا, حيميا ونەركاسىبى ونىمدەرىنىڭ – 9,8%-عا, مەتاللۋرگيانىڭ – 1,2%-عا, ماشينا جاساۋ ونىمدەرىنىڭ – 12,9%-عا ۇلعايۋىنا بايلانىستى تىركەلگەن.
ءوسىم اقتوبە, الماتى, اتىراۋ, باتىس قازاقستان, جامبىل, جەتىسۋ, قاراعاندى, قوستاناي, ماڭعىستاۋ, پاۆلودار, سولتۇستىك قازاقستان, ۇلىتاۋ, تۇركىستان وبلىستارىندا, استانا, الماتى جانە شىمكەنت قالالارىندا بايقالدى. جىل قورىتىندىسى بويىنشا كولىك جانە قويمالاۋ سالاسىنداعى ءوسىم – 20,4%-دى قۇرادى (قاڭتار-قاراشادا – 20,3%). بۇل جۇك تاسىمالى كولەمىنىڭ, ەڭ الدىمەن اۆتوموبيل جانە تەمىرجول كولىگى ارقىلى تاسىمالداۋدىڭ ۇلعايۋىنا, سونداي-اق بىرقاتار وڭىردە جولاۋشىلار تاسىمالىنىڭ ارتۋىنا بايلانىستى بولدى. قوسىمشا كولىك قىزمەتتەرىنىڭ, ونىڭ ىشىندە جۇكتەردى ەكسپەديتسيالاۋ, اۋە قوزعالىسىن باسقارۋ قىزمەتتەرىنىڭ, اۋەجايلاردىڭ, قويمالار مەن پاكگاۋزداردىڭ قىزمەتتەرىنىڭ, استىق ساقتاۋ قىزمەتتەرىنىڭ جانە سالقىنداتىلعان جۇكتەردىڭ كولەمىنىڭ ارتۋى بايقالادى.
قازاقستاننىڭ ءىجو ءوسىمى جىل باسىنان بەرى 6,4%-دى قۇرادى
قۇرىلىس سالاسىنداعى ءوسىم – 15,9%-دى قۇرادى, بۇل 2025 جىلعى قاڭتار-قاراشا ايلارىنداعى (14,7%) كورسەتكىشىنەن جوعارى. ءوسىم جايلى مەكتەپتەر, مەديتسينالىق نىساندار, كولىك جانە ينجەنەرلىك ينفراقۇرىلىمدار سالۋدى قوسا العاندا, ينفراقۇرىلىمدىق جانە الەۋمەتتىك جوبالاردى جۇزەگە اسىرۋ باعىتى بويىنشا قامتاماسىز ەتىلگەن. 2025 جىلعى قاڭتار-جەلتوقساندا پايدالانۋعا بەرىلگەن تۇرعىن ءۇيدىڭ جالپى اۋدانى 20,1 ملن شارشى مەتردى قۇرادى, بۇل 2024 جىلعى دەڭگەيدەن 5,1%-عا جوعارى.
قازاقستان 2029 جىلعا قاراي ءىجو-ءنى ەكى ەسە ارتتىرادى
ساۋدا سالاسىندا دا وڭ سەرپىن ساقتالعان. 2025 جىلدىڭ قاڭتار-جەلتوقسان ايلارىندا ءوسىم 8,9%-دى قۇرادى (قاڭتار-قاراشادا – 8,8%). نەگىزگى ۇلەس جالپى كولەمنىڭ ۇشتەن ەكىسىنەن استامىن قۇراعان كوتەرمە ساۋداعا تيەسىلى بولدى. كوتەرمە ساۋدا كولەمىنىڭ ءوسۋ قارقىنىنا استىق, تۇقىم جانە مال ازىعىن ساتاتىن كاسىپورىندار – 2,6 ەسە, ماشينالار مەن جابدىقتار – 99,8%, فارماتسەۆتيكالىق تاۋارلار – 44,1%, اۆتوموبيلدەر مەن جەڭىل اۆتوكولىك قۇرالدارى – 33%, ءسۇت ونىمدەرى, جۇمىرتقا مەن مايلار – 25,8%, قانت, شوكولاد جانە قانتتى كونديتەرلىك ونىمدەر – 21,2%, كەڭ اسسورتيمەنتتەگى تاۋارلار – 12,5% اسەر ەتتى. اۋىل, ورمان جانە بالىق شارۋاشىلىعىنداعى كورسەتكىشتەر – 5,9% قۇرادى. وسىمدىك شارۋاشىلىعىندا (7,8%) جانە مال شارۋاشىلىعىندا دا (3,3%) وڭ ديناميكالىق ءوسىم تىركەلگەن.
2024 جىلى ءىجو ءوسىمى 5 پايىزدى قۇرادى
اقپارات جانە بايلانىس سالاسىندا ءوسىم – 3,6%-دى قۇرادى. ۇكىمەت 2025 جىلدىڭ قورىتىندىسى بويىنشا ەكونوميكانىڭ جيىنتىق ءوسىمى نەگىزگى سالالاردىڭ تۇراقتى دامۋىن كورسەتكەنىن حابارلاپ وتىر.