مەكسيكا اسكەري-تەڭىز كۇشتەرىنە تيەسىلى ۇشاق مونتەررەي قالاسىنان (نۋەۆو-لەون شتاتى, مەكسيكا) تەحاستاعى گالۆەستون باعىتىنا مەديتسينالىق تاپسىرمامەن اتتانعان. اپات سكوۋلز حالىقارالىق اۋەجايىنا قونۋ كەزىندە, قالىڭ تۇمان مەن كورىنۋ مۇمكىندىگىنىڭ شەكتەلۋى سالدارىنان بولعان, دەپ حابارلايدى Egemen.kz.
TACC اگەنتتىگىنىڭ مالىمەتىنشە, ۇشاق بورتىندا بارلىعى سەگىز ادام بولعان: ەكى ۇشقىش جانە التى جولاۋشى, ولاردىڭ ىشىندە ءبىر بالا بار. اۋە كەمەسى گالۆەستون شىعاناعىنىڭ سۋىنا قۇلاعان.
وقيعادان كەيىن بىردەن اقش-تىڭ جەرگىلىكتى بيلىك ورىندارىمەن بىرلەسىپ, ىزدەۋ-قۇتقارۋ حاتتامالارى ىسكە قوسىلدى. قازىرگى ۋاقىتتا قۇتقارۋ جۇمىستارى جالعاسىپ جاتىر.