بيىلعى ءۇشىنشى توقساندا ورتاشا ايلىق تابىس 108,2 مىڭ تەڭگەنى قۇراعان. ءتورت توقساندىق ەسەپ بويىنشا ورتاشا جالپى تابىس 324,6 مىڭ تەڭگە بولعان. نومينالدى ءوسىم جىلىنا 8,5%-دى قۇراعانىمەن, ينفلياتسيانى ەسەپكە العاندا ناقتى تابىس ءۇشىنشى توقساندا -3,4%-عا تومەندەگەن, دەپ جازادى Egemen.kz.
ينفلياتسيا جوعارى بولعان كەزدەر. تابىستىڭ تومەندەۋى ءۇش رەت بايقالعان
ناقتى تابىستىڭ تومەندەۋى ينفلياتسيانىڭ جوعارى بولعان كەزدەرىندە عانا ءۇش رەت بايقالعان. ەڭ ۇزاق كەزەڭ 2015-2017 جىلدارى بولىپ, 9 توقسانعا سوزىلعان. قىسقا مەرزىم – 2022 جىلدىڭ 4-ءشى توقسانى (-1,9). 2025 جىلعى ءۇشىنشى توقسان (-3,4%).
ايماقتار بويىنشا كورسەتكىش
ەڭ قاتتى تومەندەۋ كورسەتكىشى – استانا (-8,9%), اكتوبە (-8,1%), الماتى (-7,6%) قالالارى بويىنشا بايقالعان. الايدا, سوعان قاراماستان, ەڭ جوعارى تابىسقا يە قالا استانا (509,4 مىڭ تەڭگە), الماتى – 462,9 مىڭ تەڭگە.
ءوسىم تىركەلگەن وڭىرلەر: جامبىل +3,4%, قوستاناي +1,8%, اقمولا +0,4%.
تابىسى وزگەرمەگەن جالعىز ءوڭىر – الماتى وبلىسى.
تابىستىڭ قۇرىلىمى
تابىس تەك ەڭبەكاقى عانا ەمەس, وعان جاردەماقى, زەينەتاقى, شاكىرتاقى, الەۋمەتتىك كومەك, وتباسىلىق قارجىلاي قولداۋ, م ۇلىكتەن تۇسەتىن تابىس قوسىلادى.
بىراق جالپى تابىستىڭ 75%-ى ەڭبەك تابىسىنان كەلەدى.
ايتا كەتەلىك, ورتاشا كورسەتكىش ءاربىر جەكە ادامعا قاتىستى ناقتى جاعدايدى سيپاتتامايدى.