مويىنتى – شىعاناق ۋچاسكەسىندە وندىرىستىك جۇمىستار اتقارۋ كەزىندە قازا تاپقان «قازاقستان تەمىر جولى» اق ءتورت قىزمەتكەرىنىڭ اتى-ءجونى بەلگىلى بولدى, دەپ حابارلايدى Egemen.kz.
بارلىعى جول بريگاداسىنىڭ قىزمەتكەرى بولعان.
احراپباەۆ باۋىرجان بەيسەمبەك ۇلى, جول مونتەرى, 39 جاس. جۇمىس ءوتىلى – 17 كۇن. وندىرىستىك مىندەتتەرىن اتقارۋ كەزىندە قازا تاپقان. بويداق, اتا-اناسىمەن بىرگە تۇرعان.
تاۋىربەكوۆ ماقسۇت تۇرسىنباي ۇلى, جول شەبەرى-بريگادير, 55 جاس. جۇمىس ءوتىلى – 18 جىل. «تەمىرجول سالاسىندا 10 جىل ءمىنسىز قىزمەتى ءۇشىن» توسبەلگىسىمەن ماراپاتتالعان. ءۇيلى-بالالى, ەكى كامەلەتكە تولماعان بالانى تاربيەلەپ وتىرعان. وتباسىنىڭ جالعىز اسىراۋشىسى, جۇبايى جۇمىس ىستەمەيدى.
ساتىپالدى دارحان ەرلان ۇلى, جول مونتەرى, 24 جاس. جۇمىس ءوتىلى – 2 جىل. وتباسىنىڭ جالعىز اسىراۋشىسى. اناسى ونكولوگيالىق اۋرۋمەن اۋىرادى, اكەسى قايتىس بولعان.
ءجۇنىسوۆ سەرىكقان نۇردۋبەك ۇلى, جول مونتەرى, 60 جاس. جۇمىس ءوتىلى – 33 جىل. «تەمىرجول سالاسىندا 20 جىل ءمىنسىز قىزمەتى ءۇشىن» توسبەلگىسىمەن ماراپاتتالعان. ءۇش بالاسى بار, ونىڭ ءبىرى كامەلەتكە تولماعان.
وتباسىنىڭ جالعىز اسىراۋشىسى, جۇبايى ونكولوگيالىق اۋرۋمەن اۋىرعان.تەمىرجول ماگيسترال جەلىسى ديرەكتسياسى قازا بولعان قىزمەتكەرلەردىڭ تۋىستارى مەن جاقىندارىنا كوڭىل ايتتى.
ەسكە سالايىق, قاراعاندى وبلىسىنداعى شەشەنقارا – قاراجانعىل ارالىق وتكەلىندە جۇك پويىزى ءتورت تەمىرجولشىنى باسىپ, مەرت قىلعان ەدى. وقيعا 10 جەلتوقساندا ساعات 17:15-تە بولدى.