شىعىس قازاقستان وبلىسىنىڭ (شقو) كاسىپكەرلەر پالاتاسى (كپ) الەۋمەتتىك ماڭىزى بار ازىق-ت ۇلىك تاۋارلارىنىڭ تىزبەسىنە وزگەرىستەر ەنگىزۋ تۋرالى ساۋدا جانە ينتەگراتسيا ءمينيسترىنىڭ بۇيرىق جوباسىنا قاتىستى ءوز ۇستانىمىن ۇسىندى, دەپ حابارلايدى Egemen.kz «اتامەكەن» ۇكپ مالىمەتىنە سىلتەمە جاساپ.
شقو كپ اقپاراتىنا سايكەس, ءوڭىر كاسىپكەرلەرى ينفلياتسيانى تەجەۋ جانە ازىق-ت ۇلىك قاۋىپسىزدىگىن قامتاماسىز ەتۋ سياقتى باستامانىڭ نەگىزگى ماقساتىن قولداي وتىرىپ, ونىڭ الەۋمەتتىك ماڭىزدىلىعىن (قۇجاتتا باعالارى مەملەكەتتىك رەتتەۋگە جاتاتىن تاۋارلار ءتىزىمىن كەڭەيتۋ قاراستىرىلعان) مويىنداپ وتىر. الايدا ولار ءىس جۇزىندە ۇسىنىلىپ وتىرعان شارالار اۋەلى شاعىن بيزنەسكە كەرى اسەرىن تيگىزەدى دەپ سانايدى. ء«ۇي جانىنداعى» دۇكەندەر يەلەرىنىڭ پىكىرىنشە, الەۋمەتتىك ماڭىزى بار ازىق-ت ۇلىك تاۋارلارىنىڭ تىزبەسىن 33 پوزيتسياعا دەيىن كەڭەيتۋ ولاردىڭ قىزمەتىنە قوسىمشا قيىندىقتار مەن قاۋىپ-قاتەرلەر تۋعىزادى.
حالىققا تىكەلەي اسەر ەتەدىشقو كپ-نىڭ ديرەكتورى قايرات مامىرباەۆ قازىرگى جاعداي شاعىن جانە ميكروبيزنەس ءۇشىن جۇيەلى تاۋەكەلدەر الىپ كەلەتىنىن ايتتى.
ء«ۇي جانىنداعى دۇكەندەر جوعارى وزىندىك قۇن جاعدايىندا جۇمىس ىستەيدى: ساتىپ الۋ باعالارى, جالداۋ اقىسى, لوگيستيكا, كوممۋنالدىق تولەمدەر جانە جالاقى جىل سايىن وسەدى. 33 پوزيتسيا بويىنشا ساۋدا ۇستەمەسىن 10-15%-عا شەكتەۋ كاسىپكەرلەردى شىعىندارىن جابۋ مۇمكىندىگىنەن ايىرادى. بۇل نولدىك نەمەسە ءتىپتى تەرىس تابىسقا اكەلەدى. ءبىز شاعىن دۇكەندەردىڭ جابىلۋ قاۋپىن جانە تاۋار تۇرلەرىنىڭ قىسقارۋىن كورىپ وتىرمىز, بۇل تىكەلەي حالىققا اسەر ەتەدى», دەدى قايرات مامىرباەۆ.
تاپشىلىق تۋىنداۋ قاۋپى بارشىعىس قازاقستان وبلىسىنىڭ كاسىپكەرلەر پالاتاسىنىڭ قۇقىقتىق ماسەلەلەر جونىندەگى ديرەكتوردىڭ ورىنباسارى ايجان جاڭگىرحانوۆا دا تىزبەنىڭ كەڭەيۋى قوسىمشا اكىمشىلىك جۇكتەمە تۋعىزاتىنىن ايتتى: كاسىپكەرلەرگە ساتىپ الۋ جانە بولشەك باعالاردى قاداعالاپ, ۇستەمە ساقتالعانىن راستاۋ, ءار تاۋار بويىنشا ەسەپتىلىك بەرۋ قاجەت بولادى. ال باعالاردى وندىرۋشىلەر, كوتەرمە جەتكىزۋشىلەر مەن ديستريبيۋتورلار قالىپتاستىرادى, دۇكەندەردىڭ ولارعا ىقپال ەتۋ مۇمكىندىگى جوق.
«ەگەر جەتكىزۋشىلەر كولەمدەردى باسقا وتكىزۋ ارنالارىنا قايتا بولىسە باستاسا, الەۋمەتتىك ماڭىزى بار تاۋارلاردىڭ تاپشىلىعى تۋىنداۋ قاۋپى بار. ال قوسىلعان پوزيتسيالاردىڭ باسىم بولىگى – تەز بۇزىلاتىن ونىمدەر. ەسەپ شوتتان شىعارىپ تاستاۋ مەن شىعىندار تاۋەكەلى بىرنەشە ەسەگە ارتادى», دەدى ا.جانگىرحانوۆا.
ەڭ بولماسا, تاريفتەر جەڭىلدەتىلسە...ەسكە سالايىق, بۇعان دەيىن كاسىپكەرلەر ء«ۇي جانىنداعى» دۇكەندەر ءۇشىن كوممۋنالدىق قىزمەتتەر بويىنشا بولەك تاريفتىك ساناتتى ەنگىزۋ مۇمكىندىگىن قاراستىرۋدى سۇراعان. الايدا ءوتىنىش قولداۋ تاپپاعان. وسىعان بايلانىستى پالاتا بۇل ماسەلەگە قايتا ورالۋدى جانە كەم دەگەندە الەۋمەتتىك ماڭىزى بار تاۋارلاردى ساتاتىن دۇكەندەر ءۇشىن جەڭىلدەتىلگەن تاريفتەردى قاراستىرۋدى ۇسىنادى.
مەملەكەت پەن بيزنەس اراسىنداعى ديالوگ قاجەت«ەگەر مەملەكەت باعانى ۇستاپ تۇرعىسى كەلسە, وزىندىك قۇننىڭ بارلىق قۇرامداس بولىكتەرىن ەسكەرۋ قاجەت. ءبىز كوممۋنالدىق قىزمەتتەر بويىنشا ەڭ جوعارى شىعىن ۇلەسىن كوتەرەمىز – تابىستىڭ 30%-نا دەيىن. قولداۋ كەشەندى بولۋى ءتيىس, ايتپەسە ناقتى شىعىنداردان تىس باعا رەتتەۋى ينفلياتسيالىق قىسىمدى كۇشەيتەدى», دەيدى كاسىپكەرلەر.
شقو كاسىپكەرلەر پالاتاسىندا الەۋمەتتىك ماڭىزى بار تاۋارلاردىڭ تىزبەسىن وزگەرتۋ جونىندەگى باستامالار بيزنەس اراسىندا ايتارلىقتاي الاڭداۋشىلىق تۋدىراتىنى ايتىلدى. قاتاڭ باعا رەتتەۋى جانە ۇستەمەاقىنى شەكتەۋ تابىستىلىقتىڭ تومەندەۋىنە, دۇكەندەردىڭ جابىلۋىنا جانە نارىقتا تاپشىلىق قاۋپىنە اكەلۋى مۇمكىن.
«مەملەكەت پەن بيزنەس اراسىنداعى ديالوگ قاجەت. ءبىز الەۋمەتتىك ماڭىزى بار تاۋارلار مەن ەكونوميكالىق تيىمدىلىك اراسىنداعى بالانستى تابۋىمىز كەرەك. ولاي بولماعان جاعدايدا, شاعىن بيزنەستىڭ تۇراقتىلىعى مەن ءوڭىر تۇرعىندارىنىڭ قولايلىلىعى قاۋىپكە ۇشىرايدى», دەپ تۇيىندەدى شقو كپ-نىڭ ديرەكتورى قايرات مامىرباەۆ.