يزرايل ليۆاننىڭ وڭتۇستىك بولىگىن نىساناعا الىپ, سوققى جاسادى. ازىرگە قازا تاپقاندار تۋرالى اقپارات جوق. يزرايل تاراپى بۇل ارەكەتتى «حەزبوللا» قوزعالىسىنا قارسى قاۋىپتىڭ الدىن الۋ دەپ ءتۇسىندىردى, دەپ حابارلايدى Egemen.kz.
ءيزرايلدىڭ قورعانىس ارمياسى (تساحال) تاراتقان مالىمدەمەدە سوققى جاسالعان نىساندار «حەزبوللا» ۇيىمىنا تيەسىلى ءارى ەلدىڭ قاۋىپسىزدىگىنە تىكەلەي قاۋىپ توندىرگەنى ايتىلدى. الايدا شابۋىلدىڭ ءبىر بولىگى تۇرعىن ۇيلەر ورنالاسقان اۋداندارعا دا باعىتتالعانى حابارلاندى.
ايماقتاعى جاعداي ەكى ەل وكىلدەرى اراسىنداعى تاريحي كەزدەسۋدەن كەيىن ۋشىقتى. جيىندا تاراپتار العاش رەت ەكونوميكالىق جانە ازاماتتىق ماسەلەلەردى تالقىلاعانىمەن, ورتاق كەلىسىمگە كەلە الماعان. بەيرۋتتاعى كەزدەسۋدەن كەيىن ليۆاندىق تاراپ پالەستينا مەملەكەتى قۇرىلمايىنشا قارىم-قاتىناستى تولىق قالىپقا كەلتىرۋ مۇمكىن ەمەستىگىن مالىمدەدى. ال, تەل-اۆيۆ بۇل كەزدەسۋدى «بەيبىت كەلىسىمگە قول جەتكىزۋ مۇمكىندىگى» رەتىندە باعالاعان ەدى.يزرايلدىك باق-تىڭ دەرەگىنشە, ەل بيلىگى شەكارا ماڭىندا احۋالدىڭ ودان ءارى كۇردەلەنۋىنە دايىندالىپ جاتىر.
ايتا كەتەيىك, يزرايل مەن ليۆان 1948 جىلدان بەرى رەسمي تۇردە سوعىس جاعدايىندا قالىپ وتىر جانە ديپلوماتيالىق قاتىناستار ورناتپاعان.