قىزىلوردادا كاسىپكەر يۋن ولەگكە قاتىستى سوت ۇكىمى شىقتى, دەپ جازادى Egemen.kz.
ول مەملەكەت بيۋدجەتىنە تولەنۋى ءتيىس سالىقتار مەن وزگە دە مىندەتتى تولەمدەردى تولەۋدەن جالتارىپ, دەكلاراتسيالارعا كىرىستەر مەن شىعىستارى تۋرالى كورىنەۋ بۇرمالانعان دەرەكتەردى ەڭگىزىپ, مەملەكەتكە 326 368 823 تەڭگە كولەمىندە زالال كەلتىرگەن.
اپەللياتسيالىق سوت ۇكىمىمەن يۋن ولەگتى قىلمىستىق كودەكستىڭ 245-بابىنىڭ 3-بولىگىمەن كىنالى دەپ تانىپ, وعان 4 جىلعا باس بوستاندىعىن ايىرۋ جازاسى تاعايىندالىپ, مەملەكەتكە كەلتىرىلگەن زالالدى ءوندىرۋ مىندەتتەلدى.
سونىمەن قاتار ازاماتتىق تالاپتى قامتاماسىز ەتۋ ماقساتىندا قۇنى 22 440 000 تەڭگە تۇراتىن «LEXUS LX 570» اۆتوكولىگى جانە جالپى قۇنى 49 266 874 تەڭگە بولاتىن 13 بىرلىك ارنايى تەحنيكاعا تىيىم سالۋ شارالارى ساقتالعان.