دۋباي قالاسىندا ورنالاسقان الەمدەگى ەڭ بيىك قوناقۇي – Ciel Dubai Marina العاشقى قوناقتارىن قارسى الدى. عيمارات بيىكتىگىمەن جانە كەرەمەت ينفراقۇرىلىمىمەن تۋريستەردى ءتانتى ەتپەك, دەپ حابارلايدى Egemen.kz.
بيىكتىگى 377 مەتر بولاتىن Ciel Dubai Marina قوناق ۇيىندە 82 قابات جانە 1 004 بولمە قاراستىرىلعان. قوناق ۇيدە ازيالىق, جەرورتا تەڭىزى جانە ءۇي تاعامدارىن قوسا العاندا, بىرنەشە مەيرامحانا بار.
سونىمەن قاتار قوناق ۇيدە الەمدەگى ەڭ بيىك پانورامالىق باسسەين – Tattu Sky سپا-ورتالىعى بار. عيماراتتىڭ 76-قاباتىندا ورنالاسقان باسسەين قالادان 310 مەتر بيىكتىكتە كوز تارتادى. سونداي-اق 61-قاباتتا سپا-ورتالىق جانە تاۋلىك بويى جۇمىس ىستەيتىن جاتتىعۋ زالى بار. قوناقتارعا Soluna Beach Club جاعاجاي كلۋبىنا تەگىن ترانسفەر ۇسىنىلادى, ول جاساندى پالما-دجۋمەيرا ارالىندا ورنالاسقان. جوبانىڭ قۇنى – 544 ميلليون دوللار.
The National مالىمەتىنشە, دۋبايدا الەمدەگى ەڭ بيىك قوناق ۇيلەردىڭ سەگىزى ورنالاسقان. سولاردىڭ ىشىندە ايگىلى «Burj Al Arab» قوناق ءۇيى دە بار, ونىڭ بيىكتىگى 321 مەتردى قۇرايدى.