الماتى قالاسىنداعى جەو-2 اۋماعىندا 110 كۆ №124ا جانە №101ا جوعارى كەرنەۋلى ەلەكتر جەلىلەرىنىڭ اپاتتى تۇردە ءوشىرىلۋى تىركەلدى, دەپ حابارلايدى Egemen.kz "الاتاۋ جارىق كومپانياسىنا" سىلتەمە جاساپ.
اپات سالدارىنان پس-162ا "العاباس", پس-169ا "اقبۇلاق" جانە پس-123ا "اتەتس-2" قوسالقى ستانتسيالارى ۋاقىتشا ەلەكتر قۋاتىنان اجىراتىلدى. سونىڭ ناتيجەسىندە الاتاۋ اۋدانىنىڭ بىرقاتار تۇرعىن ايماقتارىندا جارىق ءوشتى.
ەلەكتر ەنەرگياسىنان اقبۇلاق, العاباس, اقكەنت, سايالى, تەرەكتى, عاجايىپ, كوكساي, نۇركەنت, دارابوز, زەردەلى تۇرعىن ماسسيۆتەرى مەن رايىمبەك داڭعىلى – مومىش ۇلى – موڭكەبي كوشەلەرى شەڭبەرىندەگى اۋماقتار زارداپ شەكتى.
كومپانيا وكىلدەرىنىڭ ايتۋىنشا, وقيعا ورنىنا جەدەل اپاتتىق-قالپىنا كەلتىرۋ بريگادالارى جىبەرىلگەن. قازىر ماماندار اپاتتىڭ سەبەپتەرىن انىقتاپ, جارىقتى كەزەڭ-كەزەڭىمەن قالپىنا كەلتىرۋ جۇمىستارىن جۇرگىزىپ جاتىر.