وزبەكستان ۇلتتىق قۇراماسىنىڭ بۇرىنعى باس باپكەرى تيمۋر كاپادزە قازاقستاندا جۇمىس ىستەۋ مۇمكىندىگى تۋرالى اقپاراتقا پىكىر ءبىلدىردى, دەپ حابارلايدى Egemen.kz.
44 جاستاعى مامان قازاقستان قۇراماسىنان ۇسىنىس الماعانىن ايتتى, بىراق بولاشاق جوسپارلارىمەن ءبولىستى.
«قازىر قازاقستان قۇراماسىنان ەشقانداي ۇسىنىس جوق. بۇل اقپارات قايدان شىققانى بەلگىسىز. مۇمكىن, كەيبىر پىكىرتالاستار بولعان بولار. يندونەزياعا كەلەتىن بولساق, بۇل پروتسەسس سوندا قاراستىرىلىپ جاتىر. مەن يندونەزيا قۇراماسىن جاتتىقتىرۋعا دايىنمىن. قازىر مەن بوسپىن, سوندىقتان ۇسىنىستاردى كۇتىپ وتىرمىن. سونداي-اق تۇركيا جانە قىتايمەن دە جۇمىستار جۇرگىزىلىپ جاتىر. قازىر ناقتى ءبىر نارسە ايتۋ قيىن. ەگەر تاعدىرىمىز ۇيلەسسە جۇمىس ىستەيمىز. نەمەسە مەن ءوز ەلىمدە قالىپ, وسىندا جۇمىسىمدى جالعاستىرۋىم مۇمكىن. سوندىقتان ازىرگە الدىن الا ءبار نارسە ايتۋ قيىن», دەدى كاپادزە ءوزا اگەنتتىگىنە بەرگەن سۇحباتىندا.
كاپادزە 2025 جىلدىڭ قاڭتارىنان 2025 جىلدىڭ 6 قازانىنا دەيىن وزبەكستان قۇراماسىنىڭ باس باپكەرى بولدى. وسى ۋاقىتتا ول قۇرامامەن 9 ماتچ وتكىزدى: 5 جەڭىس جانە 4 تەڭ ويىن. ونىڭ باسشىلىعىمەن وزبەكستان قۇراماسى العاش رەت الەم چەمپيوناتىنىڭ فينالىنا شىقتى. بيىل قازان ايىندا وزبەكستان فۋتبول اسسوتسياتسياسى ۇلتتىق قۇرامانىڭ باس باپكەرى قىزمەتىنە يتاليان مامانى فابيو كانناۆارونى تاعايىندادى.