جەردە عالامدىق اۋقىمداعى اسا قۋاتتى ماگنيتتىك داۋىل تىركەلىپ وتىر. ونىڭ كۇشى ەڭ جوعارعى G5 دەڭگەيىنە جەتكەن. بۇل قۇبىلىس سوڭعى كۇندەردەگى كۇن بەلسەندىلىگىنىڭ كۇرت ارتۋى ناتيجەسىندە, سونداي-اق بۇگىن تاۋلىك ىشىندە كۇتىلەتىن ءۇش پلازمالىق بۇلتتىڭ العاشقىسى جەرگە جەتكەن ساتتە بايقالىپ وتىر, دەپ حابارلايدى Egemen.kz رەسەي عىلىم اكادەمياسى عارىش زەرتتەۋلەرى ينستيتۋتىنىڭ كۇن استرونومياسى زەرتحاناسىنىڭ مالىمەتتەرىنە سىلتەمە جاساپ.
«قازىرگى گەوماگنيتتىك جاعداي بولجاممەن سالىستىرعاندا تۇسىنىكسىز تۇردە وزگەشە بولىپ تۇر. تۇندە پلانەتاعا تەك كۇتىلىپ وتىرعان ءۇش پلازمالىق شىعارىندىنىڭ ءبىرىنشىسى (ەڭ ءالسىزى) كەلىپ, G1–G2 دەڭگەيىندەگى ءالسىز داۋىلدار تۋدىرۋى ءتيىس ەدى. نەگىزگى اسەردىڭ شارىقتاۋ شەگى تاۋلىكتىڭ ورتاسىنا قاراي بولادى دەپ بولجانعان », دەلىنگەن حابارلامادا.
عالىمداردىڭ ايتۋىنشا, مۇنىڭ جالعىز تۇسىندىرمەسى – كەشە بولعان بيىلعى ەڭ قۋاتتى X5.1 كلاستى كۇن جارقىلىنىڭ ناتيجەسىندە پايدا بولعان سوڭعى پلازمالىق بۇلتتىڭ وتە جوعارى جىلدامدىقپەن قوزعالىپ, الدىندا تارالىپ بارا جاتقان باياۋ پلازمالىق بۇلتتاردى قۋىپ جەتىپ, ولاردى قىسىپ, تەمپەراتۋرانى, تىعىزدىقتى جانە ماگنيتتىك سيپاتتامالاردى كۇرت ارتتىرۋىندا.
قازىرگى ۋاقىتتا تاۋلىكتىك ناقتى بولجام جوق. سەبەبى قازىرگى مودەلدەر مۇنداي شەكتەن تىس ەكسترەمالدى وقيعالاردى ءدال ەسەپتەي المايدى.