«قازاقمىس» قاۋىپسىزدىككە باسىمدىق بەرەدى

«JMJ Associates» – قاۋىپسىزدىك مادە­نيەتىن دامىتۋعا ءارى كوش­باسشىلار­دىڭ ءرولىن كۇشەي­تۋگە ماماندانعان كوم­پا­نيا. بىرلەسكەن جوبانىڭ ماقسا­تى – «قازاقمىستىڭ» بارلىق كاسىپورىن­ىندا ادامنىڭ ءومىرى مەن دەنساۋلىعى ءاربىر قىزمەتكەردىڭ جەكە قۇن­دىلىعىنا اينالاتىن تۇراقتى قاۋىپ­سىزدىك مادەنيەتىن قالىپتاستىرۋ.

ء«بىز بۇل ءاۋديتتى تەك راسىمدىك تەكسەرىس دەپ ەمەس, كومپانيا بولاشاعىنىڭ قاۋىپ­سىزدىگى مەن تۇراقتىلىعىنا جاسال­عان ستراتەگيالىق ينۆەستيتسيا دەپ قاراستىرامىز», دەدى نۇراحمەت نۋريەۆ.

ەلىمىزدەگى «JMJ» بولىمشەسىنىڭ جەتەكشىسى رەنات سالىمعاليەۆتىڭ سوزىنشە, جۇمىس دياگنوستيكادان باستالادى. سۇحبات الىنىپ, وندىرىستە باقىلاۋ جۇرگىزىلەدى, ۇدەرىستەرگە تالداۋ جاسالادى. بۇل جۇيەنىڭ ارتىقشىلىعى مەن جەتىلدىرۋدى قاجەت ەتەتىن باعىتتارىن انىقتاۋعا مۇمكىندىك بەرەدى.

جوبا ەكى باعىتتا ىسكە اسادى. ءبىرىنشى باعىت – قىزمەتكەرلەردىڭ قاۋىپسىزدىككە دەگەن جەكە جاۋاپكەرشىلىگىن قالىپتاستىرۋ. باسشىلار جاقسى ۇلگى كورسەتەدى. ۇجىمدا سەنىم مەن اشىقتىق ورنايدى. ەكىنشى باعىت – قاۋىپسىز ەڭبەك ورتاسىن قۇرۋ. تاۋەكەلدەر ازايىپ, قاۋىپسىزدىك ەرەجەلەرىن ساقتاۋ كۇندەلىكتى جۇمىس داعدى­سىنا اينالادى.

«جوبا بىرنەشە جىلعا جوس­پارلانعان. ءبىز بارلىق دەڭ­گەي­دەگى قىزمەتكەرلەردى وقىتامىز, ىشكى كوشباسشىلار مەن قاۋىپسىزدىك امباسسادورلارىن دايارلايمىز. ماقساتىمىز – جوبا اياقتالعاننان كەيىن دە كومپانيا ىشىندە قاۋىپ­سىز­دىك مادەنيەتىن دامىتۋ», دەدى رەنات سالىمعاليەۆ.

«JMJ» كومپانياسىن وسى ىنتى­ماق­تاستىق ارقىلى قىزمەتكەرلەر مەن باسشى­لىق اراسىنداعى سەنىمدى نىعايتىپ, جاراقات الۋ مەن وقىس وقيعالاردىڭ سانى ازايىپ, ال قاۋىپسىزدىك كۇندەلىكتى جۇمىستىڭ قالىپتى بولىگىنە اينالاتىنىنا سەنەدى.

نۇراحمەت نۋريەۆتىڭ ايتۋىن­شا, جوباعا قاتارداعى باسشىدان باس­تاپ, جوعارى مەنەدج­مەنت­كە دەيىنگى باسقا­رۋدىڭ بارلىق دەڭگەيى قاتىسادى. اۋديت قورىتىندىسىندا 2028–2029 جىلدارعا دەيىنگى قاۋىپسىزدىك جۇيەسىن جەتىلدىرۋگە ارنالعان ۇزاقمەرزىمدى باعدارلاما ازىرلەنەدى. ماقسات – ەرەجە ساقتاۋدى اۆتوكولىكتە قاۋىپسىزدىك بەلدىگىن تاعۋ سياقتى ادەتكە اينالدىرۋ.