«شابىت» حالىقارالىق جاستار فەستيۆالى وتەدى

بۇل – قازاقستانداعى ەڭ ءىرى مادەني شارالاردىڭ ءبىرى بولىپ سانالاتىن, الەمنىڭ تۇكپىر-تۇكپىرىنەن كەلگەن تالانتتى جاس ارتىستەردى, سۋرەتشىلەر مەن اقىنداردى بىرىكتىرەتىن بەدەلدى فەستيۆال.

«شابىت» فەستيۆالىنىڭ ماقساتى – دارىندى جاستاردى قولداۋ جانە دامىتۋ, كاسىبي شەبەرلىكتى ارتتىرۋ, ۇلتتىق جانە الەمدىك مادەنيەتتى ناسيحاتتاۋ, سونداي-اق حالىقارالىق شىعارماشىلىق ىنتىماقتاستىقتى نىعايتۋ.

قاتىسۋ شارتتارى:

فەستيۆالگە 18 بەن 35 جاس ارالىعىنداعى شىعارماشىل جاستار قاتىسا الادى: ونەر باعىتىنداعى وقۋ ورىندارىنىڭ ستۋدەنتتەرى مەن تۇلەكتەرى, فيلارمونيالار, تەاترلار مەن كونتسەرتتىك ۇيىمداردىڭ كاسىبي ورىنداۋشىلارى. ءار قاتىسۋشى تەك ءبىر نوميناتسيا بويىنشا عانا ءوتىنىم بەرە الادى.

وتىنىمدەر 5 قاراشا كۇنى ساعات 18:00-گە دەيىن (استانا ۋاقىتىمەن) قابىلدانادى.

نوميناتسيالار:

كامەرالىق حور. حور ديريجەرى اكادەميالىق ءان ايتۋ جانە كونتسەرتمەيستەرلىك شەبەرلىك كامەرالىق مۋزىكا (سكريپكا, الت, ۆيولونچەل, كونتراباس, فورتەپيانو) فولكلورلىق انسامبل (2–5 قاتىسۋشى) ەسترادالىق ۆوكال (دۋەت, تريو) بەينەلەۋ ونەرى (كەسكىندەمە, گرافيكا) پوەزيا (ۇزدىك ادەبي شىعارما) كرەاتيۆتى باعىت

سىياقى قورى:

گران-پري – 3 000 000 تگ

I ورىن – 1 000 000 تگ

II ورىن – 750 000 تگ

III ورىن – 500 000 تگ

«شابىت» فەستيۆالى – جاڭا ەسىمدەردىڭ باستاۋ الاڭى, شابىت پەن شىعارماشىلىقتىڭ قاينار كوزى, قازاقستان مەن الەم جاستارىنىڭ بىرلىگىن بىلدىرەتىن مادەني برەند.

ۇيىمداستىرۋشىلار:

مادەنيەت جانە اقپارات مينيسترلىگى استانا قالاسى اكىمدىگى «مادەني ءىس-شارالاردى وتكىزۋ ديرەكتسياسى» شجق گككپ كۇلاش بايسەيىتوۆا اتىنداعى قازاق ۇلتتىق ونەر ۋنيۆەرسيتەتى (قازۇوۋ)