سەنات توراعاسى ماۋلەن اشىمباەۆ 24KZ تەلەارناسىنداعى «بەتپە-بەت» باعدارلاماسىندا مەملەكەتتىڭ قۇقىقتىق دامۋىنىڭ ماڭىزى تۋرالى ايتتى, دەپ حابارلايدى Egemen.kz.
ماۋلەن اشىمباەۆ مەملەكەت باسشىسىنىڭ «زاڭ جانە ءتارتىپ» تۇجىرىمداماسىن ىسكە اسىرۋدا ەلىمىزدىڭ وركەندەۋى جانە ازاماتتاردىڭ ءال-اۋقاتىنىڭ ارتۋى باستى ناتيجە بولۋى ءتيىس ەكەنىن اتاپ ءوتتى.
«قۇقىقتىق مەملەكەت – بۇل زاڭ, زاڭنىڭ ۇستەمدىگى. بۇل سونىمەن قاتار بارلىق ءىس-ارەكەت, بارلىق قوعامدىق قاتىناستار زاڭ اياسىندا جۇزەگە اسۋى ءتيىس دەگەندى بىلدىرەدى. ەلىمىز پرەزيدەنتىنىڭ «زاڭ جانە ءتارتىپ» قاعيداتى وسىدان كەلىپ شىعادى. بارلىعى زاڭعا باعىنۋى كەرەك. زاڭنىڭ ۇستەمدىگى بولۋى ءتيىس. سودان كەيىن ءتارتىپ بولادى, ودان كەيىن مەملەكەتتىڭ دامۋى, ەلدىڭ وركەندەۋى بولادى», دەدى ماۋلەن اشىمباەۆ.